| Prome Akshon Limpiesa kombatimentu di Dengue na Boneiru |
 |
 |
| Tuesday, 04 September 2012 19:38 |
|
Komo ku tabatin un bon koperashon di e habitantenan di Antriol, e akshon aki a bira un éksito rotundo. E siguiente akshon a kuminsá djaluna 3 di sèptèmber den e bario di Nikiboko Nort i Sùit i ta sigui te ku fin di sèptèmber.E “Akshon limpiesa pa kombatí sangura di Dengue” ta un koperashon entre gobièrnu di Boneiru i Selibon. E akshon aki ta konsistí di entre otro e ponementu di kònteinernan na diferente partinan stratégiko den bario nan di Boneiru. E kònteinernan aki menshoná ta destiná spesialmente pa e habitantenan di e bario mes benta nan sushi di kura òf besindario aden, ku por bira posibel lugá di brui di sangura di Dengue. E servisio aki ta grátis. E sangura di dengue ta biba mas tantu den e besindario di hende i ta brui den artefaktonan ku ta kontené awa fresku manera hèmber, bari, baki, tayer, bòter, kùp, baki di kuminda, dòpi, frishidèr, stof, wasmashin etc.E inspektornan di e sekshon Gele Koorts Muskieten Bestrijding ta pasa na e kasnan un òf dos dia promé ku e kònteiner ta wòrdu pone pa duna informashon i pa entrega un karta ku mas informashon tokante e akshon aki.Pa mas informashon por yama sekshon GKMB na telefon 717-8323. E siguiente tipo di sushi ku en general no ta forma peliger pa lugá di brui pa sangura i ku no por keda bentá den e kònteiner ta, por ehèmpel rama, tera, yerba, palèt, piedra, palunan i sushi gròf.Pa buska e tipo di sushinan aki y tambe restunan di outo por yama Selibon na 717-8159. Gobièrnu ta konta riba e koperashon di nos komunidat den e kombatimentu di dengue.
|
Mustra/Kita e formulario di comentario
