Diasabra anochi na oficina di SAC Carnavalistanan a topa otro un rato pa ricibi nan premio pa tur nan esfuerzo den Carnaval 59. A parti un cantidad di premio for di e mihor creatividad riba carosa, roadpiece, e mihor animacion, grupo mas comico etc. Durante parada di mucha y grandi di Oranjestad y San Nicolas un hurado tabata cana y scohe e mihornan, tarea basta dificil cu gruponan basta competitivo.

Dim lights Diamars anochi cu un ambiente formidabel den Aruba Entertainment Center a dispidi di Carnaval 59. Despues cu a lesa e testament di Rey Momo a sende e momo na candela. Click play pa un raportahe videografico.

Den bispo di Diaranzon di shinishi pa otronan bispo pa celebracion di Jubileo di Diamante cu Carnaval 60 Rey Momo a laga un testament atras pa un y tur refleha riba dje. Momo a señala cu Carnaval 59 a conoce varios asecto nobo y alavez tambe cu dor di dialogo semper por yega leu. E Rey Momo tambe a proclama cu Parada Grandi di Playa otro aña lo cay riba 2 di Maart. Click lesa mas pa e testament completo.

Diamars anochi Momo a haya su ulitimo concierto prome cu a cende na candela pa 12or di anochi den Entertaiment Center. Basic 1, Rey di Tumba Jeffery Kelly, D'licious, OREO cu Caiso Monarch Mighty Talent Jr. y TBS Brassband tur a pone e publico move riba e fiesta di despedida di Momo. Prome cu kima Momo a lesa su testament. Apesar cu Carnaval 59 tabata chikito e evento organisa pa SAC tabata bon bishita.

Faltando 20 minuut pa 10or di anochi, Reina y Prins cu Panchonan a purba cende e Momito na candela riba e tereno dilanti Joe Laveist Sport Park. E bandanan cu a compaña e Momito den cayanan di San Nicolaas tabata Le Groove y Eruption Band. Na un prome instante e Momito no kier a cende, mester a tira combustibel atrobe riba dje, anto den e di dos intento si el a kima por completo!

Recientemente Renaissance Aruba Resort & Casino a tene su eleccion Reina, Prins y Pancho. Diferente na e añanan anterior e aña aki a conta cu participacion di empleadonan di diferente departamento. Cu sintimento di satisfaccion e grupo di empleado di Renaissance Aruba Resort por mira bek riba un eleccion tur afó cu a conta cu un Renaissance Convention Center yen di coleganan, managernan y supervisornan compaña pa famia di cada participante. 

Miles di hende for di diasabra a cuminsa prepara pasobra e parada final ta diadomingo. Un carnaval kizas mas chikito pero tog basta colorido. Hopi hende parce ta prepara pa e Carnaval 60. Esey no a kita cu esnan na banda a goza hopi. E caranan di tur esnan canto di caminda tabata papia tur cos. Baila riba ritimo di cada banda tabata e cos di mas dushi.

E ta conoci como e grupo di mas ambiente. Ora papia di e grupo di mas ambiente mesora bo ta tende cu ta "Los Laga Bai". E weekend final di carnaval "Los Laga Bai" ta bolbe pone tur hende move participando pero tambe canto di caminda. E grupo ta mas bien un famia completo pasobra practicamente mesun hende ta bai cu "Los Laga Bai" tur anja.

E parada a sali exactamente pa 11or di mainta cu Royal Carnival Group y su reina na cabes di parada. Chapagne Carnival Group, T.O.B, Los Laga Bai, Pleasers and Teasers, Dushi Carnival Group, OPC, Majestic Carnival Group, XC-Lanz Carnival Group tambe a participa den e parada cu casi 2 mil hende.

Reina di Carnaval hunto cu su grupo Royal Carnival Group tabatin e honor pa habri Parada Grandi di Carnaval na San Nicolas.  Reina Hubenil di Champagne Carnival Group y Sra Carnaval T.O.B a sigui riba e ruta. LOS LAGA BAI, OPC, Pleasers and Teasers,  Majestic Carnival Group, Dushi Carnival Group, XC-Lanz Carnival Group tambe a participa. E atardi a bay tambe cu presentacion comico di Tiki Loco cu a pone publico hari banda di caminda. E Steelband van Het korps Mariniers a cera e parada sigui pa e lastlap.

Pa mas cu dos decada AVP ta organisa nan accion di parti caha pa sushi banda di caminda. Diasabra mainta trempan prome minister Mike Eman cu henter un team a subi caya di San Nicolas pa asina reparti e cahanan pa tira sushi. Pa anochi nan tabata riba e ruta di e Parada di Playa.

Mike Disco, Youth Extreme, The Failures cu Claudius y Le Groove tabata e bandanan cu a pone ambiente den Jouvert Morning cu a sali 4or di marduga for di Joe Laveist Ballpark y subi cayanan di San Nicolas. Hendenan a bin bisti den piyama, disfrasnan tabata hopi creativo. E aña aki e parada a bay basta rustig, mayoria a sa di comporta netjes.

Manera a bira un gran tradicion, diabierna prome cu e parada grandi di carnaval a tuma luga e di 16 edicion di e "Masquerade Ball" organisa pa Kiwanis Club of Palm Beach. No tabatin lugar den Renaissance Convention Center pa asina hopi hende. Robert y Su Solo Banda Show cu Tsunami pone ambiente. Creatividad no a haci falta, click lesa mas pa tur e fotonan.

Desde algun siman caba, e studiantenan a corona nan reina di klas y prepara pa e eleccion di Reina Juliana School MAVO 2013. Creatividad di e hoben studiantenan a resalta masha hopi mes, den trahenan hopi bunita mes confecciona di materialnan recycla. Tur e studiantenan, docentenan y familiar di e candidatanan presente a disfruta y apoya e tremendo eleccion.

Sun Plaza Mall cu nan mesun "Masquerade ball" Empleadonan cu ta labora den Sun Plaza Mall uni cu otro pa celebra Carnaval e aña aki pa varia un tiki a haci un competencia di mascarada y parti premio pa esnan cu a bin mihor creatividad. Un bon ambiente cu drinks cu banda PM tocando asina Sun Plaza Mall a cera Carnaval 59.