| Colegio Laura Wernet Paskel cu parada di carnaval |
 |
 |
| Monday, 13 February 2012 10:28 |
 Parada ta sali pa 5’or di atardi for di ‘parkeerplaats’ di nos scol. Via e caretera di Kadushi Largo pa Angochi e parada lo dirigi su mes pa ‘Sport Boys Club’. Tur aña diferente scolnan Preparatorio y scolnan Basico di bario tambe ta participa. E alumnonan di Sint Jan Kleuterschool y Dupi Dupi Speelschool no ta keda afo. Ademas nos lo tin participación di Cacique Macuarima School, Colegio San Hose, Dora & Diego Peuterschool cu nan Reina y Prins cu Pancho den un Jeep tur dorna y gruponan di bario di Santa Cruz. Colegio Laura Wernet Paskel tin como tema e aña aki “Celebracion 50 aña”, pues nos ta bay tur na color Oro. Cada klas ta disfrasa nan mes na un manera carnavalesco den e tema di “Celebracion di nos 50 aña”. Musica lo ta na encargo di diferente ‘soundsystems’. Mayornan y lidernan di grupo ta wordo pidi pa ta na e salida prome cu 5’or di atardi, p’asina e Parada por Sali na e ora stipula. Na final di e parada nos scol lo sigui cu un tremendo elección di entre otro Joyita, Princesita, Reina y Prins cu Pancho di scol, na Sport Boys Club. Gogo’s Disco lo ta encarga cu e música Carnavalesco. Pa cubri castonan di música, lo pidi un contribución di 1 florin na porta. Un y tur ta keda cordialmente invita pa bin presencia e grandioso parada di Colegio Laura Wernet-Paskel y otro Scolnan invita, na Kadushi Largo, diabierna AWO, diabierna 17 di februari pa 5’or di atardi, sigui pa un ‘Jump-In’ na ‘Sport Boys Club’.
Bin apoya nos muchanan den nan fiesta di carnaval. |
Mustra/Kita e formulario di comentario
