Un carnaval 58 cu nos ta kere cu no lo conoce su morocho. E carnaval aki hopi nos a siña di djie caminda cu riba termimo corto lo bay traha pa mehora unda tin cu mehora y tambe yega na palabracionnan adelanta pa asina evita momentonan menos bon durante e celebracion. Cu dialogo por logra hopi pero semper cu e meta principal cu e mester ta na bienestar di aruba su carnaval.

Prome cu boso kimami mi kier a pidi pa hasi publico mi siguiente testament:

1.    Mi ta laga atras un pabien y un danki masha grandi atras pa tur esnan cu a coopera pa asina aruba por a celebra su carnaval na un manera, mahestuoso yen di ambiente y alegria, tanto den en paradanan como na banda.

2.    Tambe mi ta laga atras un danki especial na e participantenan den e paradanan na san nicolas y na oranjestad, ya cu nan ta esnan cu ta haci e show espectacular riba nos camindanan y cu tur hende ta goza di dje y cu ta hasi cu carnaval di aruba si ta carnaval.

3.    Pa tur e candidatanan cu a participa na e eleccionnan di reina, tanto infantil, hubenil, reina di carnaval y señora carnaval ta keda un palabra di felicitacion pa nan bunita presentacion, mensahe- y shownan cu ta mantene e nomber di nos carnaval di aruba na halto y tambe tur nos prins y panchonan infantil, hubenil y grandi.

4.    Pa tur e diseñadornan di e trahenan, carosanan, body- y roadpiecenan, na nos musiconan, compositornan, arreglistanan mi ta laga atras un felicitacion y un danki pa nan creatividad cu a luci den e gran paradanan y shownan.

5.    Mi ta laga atras un danki especial na tur e bandanan cu den e paradanan a toca e composicionnan arubano, producto di nos compositornan, kendenan sin duda algun a contribui na engrandece nos repertorio musical. Entre man mi cu tin cu menciona nos roadmarch 2012 “ban pa mi”, e calypso “aruba a dicidi” y tumba ganador “historia”. A la vez mi no por keda sin menciona e roadmarch infantil, hubenil cu e aña aki a ser acompaña pa e banda “impak”

6.    Mi ta laga atras nos di cuatro tumba infantil, hubenil cu  tawata un exito total, acompaña pa un all star band.

7.    Mi ta laga atras un felicitacion pa henter nos pueblo arubano, sacando afo esnan cu a comporta nan mes menos bon, pero si pa tur demas cu a demostra nan bon comportacion y civismo.

8.    Mi ta laga atras un danki grandi di curazon pa tur e miembronan di sac cu e aña aki atrobe a traha cu cuerpo y alma pa tur e preparacionnan di e diferente eventonan pa asina aruba por a disfruta.

9.    Mi kier a laga atras otro danki grandi pa tur, pero tur e cuerpo di boluntarionan balente di e crew di sac cu a traha e aña aki, pa por a tene tur cos bao control.

10.    Pa nos cuerpo policial mi laga atras un danki grandi pa nan pasenshi, bon cooperashon y comprension. Ta un biaha pa aña nos tur ta hunto den e temporada dushi aki hunto cu henter e comunidad di aruba, y di un manera of otro ta hasi sacrificio na beneficio di nos pais. E respet pa nos cuerpo policial mester keda semper pa asina nan por sigui eherce nan trabou sin problema. Sperando cu nos por yega un dia caminda cu nos por celebra un carnaval sin ningun incidente negativo.

12.        Pa personal di cruz cora, servicio di ambulans, imsan,                    dip, brandweer, serlimar, eco-tec, departamanto di obranan publico, boluntarionan cu a tuma na nan encargo cuida nos medio ambiente mi ta laga un danki grandi pa nan trabao cu ta cuminza for di den oranan di marduga.

13.       Pa prensa skirbi, radio, television di aruba, kendenan a   contribui cu nos gran carnaval arubano, mi ta laga un danki grandi pa nan cooperacion. Danki na boso aporte e comunidad arubano por a keda na altura di tur locual ta sosode durante e temporada di nos celebracion di carnaval.

14.    Mi ta laga atras un danki na gobierno di aruba y tur e departamentonan gubernamental cu a percura pa e tentnan riba e ruta di carnaval cual a duna un rehalse na nos carnaval. Aruba un biaha mas a score.

15.        Danki na comercio, industria y henter comunidad arubano sin excepcion pa nan cooperacion cu a contribui sigur na e exito di nos gran carnaval no. 58. Sperando cu grupo, banda y sac por sigui conta cu e aporte y sosten di comercio di aruba pa aruba por sigui celebra su carnaval. Sigur sac no kier keda sin gradici tur e sponsernan cu a sosten sac durante e carnaval aki. Boso aporte tabata tin hopi importnacia pa loke ta nos celebracion di carnaval.

16.         Mi ta laga atras e fecha di e gran parada di carnaval na oranjestad pa aña 2013, cual lo ta e 2 diadomingo di luna di februari, scucha bon, e gran parada di carnaval lo tuma lugar riba diadomingo 10 di februari 2013. Mi ta ripiti: carnaval di otro aña lo ta dia 10 di februari 2013

Pues di awor caba cuminsa prepara pa nos dushi carnaval 59, cu den 2013 aruba lo ta un biaha mas na cabez.

Aruba por ta orgusyoso di su carnaval 59, un carnaval yen di pikete. Pa asina tambe nos cuminsa habri e caminda pa e celebracion di diamante cual ta aruba su di 60 carnaval cual sigur lo priminti di ta un tremendo bacchanal.

17.        Berdaderamente carnaval 58 a sobresali den creatividad y luho tur afo yena di fantasia, pesey mes mi ta hasi un suplica na tur e comunidad arubano  especialmente e participantenan, cuminsa prepara desde awor pa e gran celebracion di carnaval 59.

Pa finalisa mi kier duna un biaha mas un danki na henter nos comunidad maske den tur e tubulencia ainda den e ultimo parada tog por wak e final uno exitoso. Ban den un gran union pa sigui e ehempel cu nos pueblo a duna e aña aki. Asina nos por mantene e mahestuoso y grandioso carnaval arubano como esun di mas sigur , mas safe y unico na mundo y nos lo por keda bisa cu : carnaval di aruba si ta carnaval.

Despues di kimami bay cas trankilo y laga nos ban dedica nos mes na asuntonan serio na bienestar di nos comunidad.

Duna dia 21 di februarit, bispo di diaranzon di shinishi, bispo di carnaval 59, den 2013 cu aruba na cabez.

Firma:   rey momo

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi