Saturday, 19 April 2014
Carchinan di entrada pa e magno Aruba Caiso & Soca monarch a sali na benta Print E-mail
Wednesday, 09 January 2013 18:25

pr1front

Diaranson atardi na Palm Beach Plaza Stichting Musica a duna di conoce cu oficialmente e benta di caarchi pa e evento carnavalesco mas grandi di Aruba a sali na benta. Manera ta conoci e conocido Calypso and Roadmarch contest e aña aki ta wordo organisa pa Stichting Musica y ta hiba e nomber di Aruba Caiso & Soca Monarch.

E magno evento ta cuminsa otro siman diamars dia 15 di January 2013. Lo tin un total di tres anochi di pre final. E anochi final mes lo ta diasabra dia 19. Tur anochi lo tuma lugar den Joe Laveist na San Nicolas. Pa e publico tin dos opcion pa loke ta carchi di entrada. Lo por cumpra pa cada anochi un carchi of por cumpra un pakete cu ta duna e persona aceso na 4 anochi di musica. E carchinan ta obtenibel na Plaza Bookshop, Cliffix, CD & More, Superfood, Wema, Valero Boulevard, Valero Essoville, Gallo Rojo, MY USA, Fun Miles y Dragon CD & Electronics.  
 
Despues cu diadomingo ultimo e bandanan a inscribi Stichting Musica a comparti e  sequencia pa cada anochi. Diamars dia 15 di January 2013 lo presenta riba e escenario: Tsunami, Le Groove, Youth Xtreme, Upgrade Music y Je’o. Ariba diaranson dia 16 di January 2013 lo tin: Simpletamente Pabo, Claudius y OREO, Virus Band, XC Lanz, Hot Ones Band y D’licious. Ariba e ultimo anochi di pre final lo tin: The Failures, D.U.R.O., NBO, Aruba Invaders, Thiss and That, Zeta Band, Dushi Band y Robert Jeandor y su Solo Banda Show. 
 
Presente na e conferencia di prensa tambe tabata Sr. Erik Jan Eman kende ta representa Purple Entertainment Group. E compania aki ta encarga cu tur e trabounan di logistica y a duna di conoce cu e aña aki e musiconan lo bay conoce un area sumamente comodo y practico patras di escenario. Tambe e publico lo bay mira pa promer biaha den e festival di mas grandi no menos cu 36 moving lights cu lo duna un efecto di luz nunca bisto riba e escenario. 
 
Stichting Musica tambe ta hopi contento di por conta cu patronisadornan cu ta hasi e festival aki di cual Setar NV tambe tabata presenta pa elabora riba e hecho cu nan lo ofrece e festival por medio di pay per view via cable y tambe internet pa escnan den exterior. Romar Trading cu su producto Heineken lo percura tambe pa tur e barnan ta bon surti durante e anochi. Otro patronisadornan ta e.o. Blackberry, Palm Beach Plaza Mall, Valero Retail y Hertz Lease.

album album album
album album  

Comentarionan (3)Add Comment
l.p
January 10, 2013
67.23.232.242
Votes: +0
...

nomber ta wordo cambia schrijfin na plaza pone di biaha na plaja asina sanicolas ta keda cu nada,mi spera di e cantante cu semper a critica lo critica awor, porta color di politico e lo keda keto,haha tur hende sa ken e ta

mimi1976
January 09, 2013
67.23.232.242
Votes: +0
...

I'm in! pone prijs!!

morde lip
January 09, 2013
67.23.232.242
Votes: +0
...

Hm, exito na e organisadornan. Mi ta wanta mi curason, rubiano ta come rubiano. No ser egoista y ta pa pueblo eta wordu organisa y no pa un of dos cantante o grupo. Aruba Ariba. E mas fuerte cu boka grandi lo gana. Wanna bet??

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter