Friday, 28 November 2014
Dedica na Young Quicksilver: Aruba Caiso & Soca Monarch ta conta cu mas di 80 mil Florin na premio Print E-mail
Thursday, 10 January 2013 21:15
Comparti

Quicksilver

 

Cuminsando diamars dia 15 di January 2013 den Joe Laveist Sport Park lo tuma lugar e Aruba & Caiso Soca Monarch. Aki mas cu 80 composicion lo competi pa e titulo di e Soca Monarch y e Caiso Monarch. E anochi nan di pre final lo ta dia 15, 15 y 17 pa asina e final tuma lugar diasabra dia 19 di January 2013.

E aña aki e festival ta wordo dedica na Dave Hodge mihor conoci como Young Quicksilver of Quickie. Quicksilver ta un baluarte pa loke ta e multiple titulonan di Calypso cu e la yega di gana den pasado. Por corde cu exitonan manera “Fireworks Jam Sessions” mihor conoci como “Village Burning Down”. Tambe “Born in Aruba” tabata hopi popular. Quicksilver sigur a dedica hopi di su tempo na engradece e Calypso y Roadmarch Contest cu awendia ta hiba e nomber di Aruba Caiso & Soca Monarch. Otro aspecto di e festival ta locual lo bay wordo reparti entre e ganadornan di e festival. Por a haya confirmacion di Stichting Musica cu aki ta trata di mas di 80 mil florin cu lo wordo reparti entre e cantantenan, compositornan y e areglistanan. Tanto pa e Soca Monarch y e Caiso Monarch lo tin un premio di 10.000 florin pa e compositor, 8000 florin pa e cantante y 1000 florin pa e areglista. Pa e segundo lugar lo tin como premio 5500 florin pa e compositor, 4000 florin pa e cantante y 750 florin pa e areglista. Pa loke ta e tercer lugar lo tin un premio di 4000 florin pa e compositor, 3000 florin pa e cantante y 500 florin pa e areglista. Tambe mester meciona cu e aña aki lo bay husga oficialmente e “RoadJam”. Esaki ta e cancion mas popular durante e temporada. E forma cu lo escohe esaki lo consisti di un cuerpo di hurado, un encuesta di emisoranan radial, hunto cu votacion publico por medio di SMS.. E ganador absoluto di e premio aki tambe lo gana 10.000 florin. E carchinan pa e evento ta obtenibel na Plaza Bookshop, Cliffix, CD & More, Superfood, Wema, Valero Boulevard, Valero Essoville, Gallo Rojo, MY USA, Fun Miles y Dragon CD & Electronics. Cada anochi di pre final lo tin un costo di 15 florin y e anochi final e lo ta 35 florin. Un danki na Romar Trading, Setar NV, Blackberry, Valero Retail , Government of Aruba, Palm Beach Plaza Mall,Hertz Lease, K&G y Fun Miles

gallery1 gallery1 gallery1

Comentarionan (1)Add Comment
Chubato bieuw
January 11, 2013
67.23.232.242
Votes: +0
...

Boso por a sikiera pone un cachi cachi pa un bon causa (No SAC si) tambe ja cu tin asina tanto placa den wega. Awo ta straight den saco e ta bay? Foei!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter