|
Dakota cu eleccion di Reina bek den Bario |
 |
 |
|
Thursday, 10 January 2013 21:27 |
|
Despues di hopi aña ausente cu eleccion di Reina den bario di Dakota, Centro di Bario Dakota ta bek cu Eleccion di Reina. Cu sumo placer Centro di Bario Dakota kier invita pueblo di Aruba pa nan prome eleccion di Reina Infantil den bario despues di mas o menos 13 aña y ta tuma lugar Diabierna 11 di Januari 2013 den Centro di Bario Dakota cuminzando pa 7:00 PM.
Bario di Dakota ta conta cu 5 popchi cu ta participa awenochi 11 di Januari 2013 den e magno evento di eleccion di Reina Infantil.
E popchinan participando awenochi pa e corona di bario di Dakota ta:
1. Oriana Perez
2. Zue-Jean Croes
3. Shadien Croes
4. Daryleen Wever
5. Imika Winklaar
Apart di e Eleccion di Reina Infantil di Dakota, lo tin coronacion tambe di Reina Hubenil di e bario di Dakota cu ta den persona di Srta. Shagira Robert.
E eleccion ta cuminza pa exactamente 7:00 PM y ta tuma lugar na Centro di Bario Dakota mes.
Porta ta habri pa 6:00 PM
Entrada ta solamente afls; 7,50 pa adulto y afls; 5,- pa mucha.
Lo tin presentacion special di Izela Ruiz kende ta Ganadora di Calypso y Roadmarch Infantil 2012.
Fuera di Izela pa hasi e anochi uno mas grandi lo tin presentacion tambe di Grupo di Baile K2K.
Aruba y principalmente bario di Dakota ban bini hunto pa apoya e 5 popchinan aki den Centro di Bario Dakota cu despues di 13 aña ta bini bek cu e tremendo iniciativa di organiza y tene eleccion di Reina den e bario di Dakota. Nos ta conta cu boso presencia AWENOCHI 11 di Januari 2013 na Centro di Bario Dakota cuminzando pa 7:00 PM!!!
 |
Mustra/Kita e formulario di comentario
