Friday, 18 April 2014
Eleccion di Reina infantil di Districto di Noord Print E-mail
Thursday, 10 January 2013 21:39

reina noord

Despues cu aña pasa e bario di Noord a celebra en grande cu nan candidata Infantil Ileyna de Cuba cu a sa di conquista e corona maximo di Reina Infantil di Aruba su Carnaval y a logra bai cu tur premio, e emocionnan ta halto e aña aki un biaha mas pa purba retene e corona di Reina Infantil di Aruba su Carnaval.

E aña aki Noord tin 5 princesita cu lo participa awenochi pa e corona di Reina Infantil di Distrito di Noord di aña 2013.

Nos 5 princesitanan cu ta competi AWENOCHI ta como lo siguiente:

  1. Keylie Ann Eckmeyer
  2. Mary Ann Correa
  3. RaynoushkaWever
  4. Edilienne Tromp
  5. Isis Maduro

E eleccion ta cuminza pa exactamente 7:00 PM y ta tuma lugar na Centro di Bario Noord mes.

Centro di Bario Noord kier invita Aruba completo y specialmente e dushi bario di Noord pa bin apoya e 5 princesitanan AWENOCHI 11 di Januari 2013.

Entrada ta solamente 5 florin pa grandi y chikito.

Baile di apertura ta den man di Grupo di Baile: New Timbiriche Generation (NTG) bao encargo di Sra. Marisol Rodriguez-Penha.

Nos lo corona tambe nos reina infantile di Scol Chikitin Bin Bin.

Tema e aña aki di Centro di Bario Noord ta NEON CIRCUS y awenochi nos lo dispidi di nos reina Infantil di Noord saliente Ileyna de Cuba cu a sa di laga nos Bario su nomber rezona durante full aña 2012.

Naturalmente nos Bar y Cushina ta bon surti.

Nos ta warda boso AWENOCHI 11 di Januari 2013 pa 7:00 PM na Centro di Bario Noord!!!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter