|
Mil mucha lo desfila den Parada di Blaas diadomingo awor |
 |
 |
|
Friday, 11 January 2013 13:48 |
|
Diadomingo awor parada di blaas ta sali 1 or di atardi for di Joe Laveist Ballpark y ta tuma mesun ruta cu Parada di Mucha di San Nicolas.
Pa 17 aña consecutivo Magaly Regales, Janine Rodriguez, Alexander Chong hunto ta forma e comite organisador bou nomber di Kisha Fantasy cu tin e tarea pisa di organisa e parada pero tambe e parada di lus na San Nicolas. Lo tin tres roadpiece riba caya.
E brass band TBS lo habri e parada manera tradicion sigui pa TOB cu Youth Xtreme & Upgrade Music hunto cu 350 mucha, Deya kids & Jolly kids acompaña pa X-Cellance cu 200 mucha, Nos Futuro cu NBO y nan 250 mucha, Little Groovers cu animacion musical den man di LeGroove cu 200 mucha. Eruption Band lo tin e Last Lap den su encargo.
Parada di Blaas ta un tradicion di pariba cu a cuminsa cu apenas 15 mucha cu tempo a crece y bira mas grandi. Apesar di exito den aña anterior esaki ta un di e poco biahanan cu e parada tin solamente 4 grupo. A sinti falta di Champagne pero tambe scolnan y otro organisacion cu sa frecuenta e parada. E falta di participante no tin nada di haber cu organisacion pero masbien cu temporada cortico di Carnaval y preparativonan ya caba andando pa e mahestuoso 60 aniversario di Aruba su Carnaval.
Espectiva ta grandi pa e parada di lus na San Nicolas cu ya caba tin varios grupo confirma pa cu nan participacion.
 |
Mustra/Kita e formulario di comentario
