Saturday, 25 October 2014
Hilward Croes: Mester tene cuenta cu e parti humano, cu ta esun cu ta crea e obranan musical Print E-mail
Friday, 11 January 2013 17:24

image

Un di e puntonan cu hopi biaha ta cuestiona ta e uzo di computer den areglonan y cu si esaki no ta kita e originalidad di un creacion. Na opinion di Hildward Croes, e influencia di musica moderno ta dificil pa frena. Esaki e musico a enfatisa den entrevista cu ATV Noticia Awenochi. Segun Croes e ta algo cu ta tene cuenta cune, pasobra no por laga e parti tecnologico domina completamente. "Mester tene cuenta cu e parti humano,

cu ta esun cu ta crea e obranan." Asina pues a pone den e reglanan, cu e banda mester tin por lo menos cinco persona tocando en vivo, ta papia di e seccionnan basico manera drum, baho, guitara, keyboard y percusion, cu na final ta e parti humano di e musica, si kier mantene esey. No ta permiti nada al estilo di karaoke. Den tur reunion cu e organisacion tabatin cu bandanan, e regla aki a wordo comprondi y acepta. Tin bandanan ta bini completamente "live" y otronan ta al estilo hybrid (unda ta combina e parti acustico cu esun electronico). A puntra Hildward Croes kico ta su pensamento pa hinca mas tipo di musica den carnaval di Aruba, riba cual el a bisa cu esaki ta un fenomeno mundial, cu e aspecto electronico ta drenta den tur tipo di cultura. El a bisa cu mester wak bon kico ta haci. "Loke nos ta haci ta complace cu e demanda pa e tipo di musica aki, ta duna algo di ñapa cu ta combina nan cu un tipo di soca. E ta un formula cu ta hacie funciona, no ta hacie puramente electronico pero combine cu e musica cu tin aki. Mester mantene cancion original di Aruba," Croes a duna di conoce. Inclusive nan ta uza musica di añanan 70 y 80 pero combinando nan cu algo tecno, treciendo un balance, cu ta cay den masha bon acogida cerca hobennan.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter