Saturday, 19 April 2014
E team di Riba Caya ta cla pa e ultimo fin di siman di Carnaval 59 riba Magic 96.5 FM Print E-mail
Friday, 08 February 2013 14:54

530742 584933928198956 1020333933 n[1]

Apesar cu tur hende sa cu Carnaval 59 ta un temporada hopi cortico toch asina mes tur hende a pone man hunto pa asina sigi celebra grandi Magic FM den su forma positivio y yena cu ambiente y locura den parti premionan pa su oyentenan, a subi caya, a drenta skolnan y empresanan cu su programa di Carnaval “ Riba Caya”. Programa cu ta wordo presenta tur atardi di 2-5or a haya e acogida cu tur hende a spera. Elsa Krosendijk, George Winterdal y Ryan Maduro a dirigi e programa pero tambe hunto cu un Crew dinamico di locutornan y techniconan a pasa den tur skina di Carnaval 2013.

Danki sigur ta bai na tur e super bon comentarionan cu a wordo ricibi no solamente di Aruba pero tambe di nos dushi hendenan cu no por ta presente aki na Aruba pa celebra Carnaval 59 y ta disfrute atravez di e sonidonan di Magic cu a bai rond mundo. Nos a cubri tambe como unico radio e eleccion di Reina Internacional di Carnaval na Korsow. MAGIC F.M. a presenta na tur evento Principal y durante e ultimo simanan, ta pafo yobiendo rond cu premio cual tambe a bira un icono di e radio emisora. Durante e fin di siman aki, diasabra nan lo ta para dilanti di oficina di Setar na San Nicolas y diadomingo den e hardin di Talk of the Town ariba e mahestuoso trailer y aki lo ta repartiendo premionan for di mainta tempran, pa asina yama bon bini na Carnaval 59 su gran Parada. Dialuna merdia pa 12or “riba Caya” lo ta on cu detayenan di Carnaval y diamars lo tin su expertonan cu lo sinta hunto cu dirigente di Sac pa asina analisa con Carnaval 59 a bai y con nos lo yuda pa mehora y yama e gran celebrashon di diamante 60 anja di Carnaval 2014 Bon Bini. Un danki sigur na tur sponser cu ta hasi tur cos posible y Valentine’s day tambe lo ta special cu premionan atractivo entre otro un ticket pa Colombia pa pareha. Danki Aruba y sintosa Magic su ultimo transmishonan di Carnaval 59.

album album album
album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter