Thursday, 27 November 2014
Minister Arthur Dowers ta corona reina di Colegio Arubano Print E-mail
Friday, 08 February 2013 16:40
Comparti

Front DSC 5165

Diabierna merdia durante un celebracion di Carnaval hopi anima Colegio Arubano na Oranjestad a tene su eleccion di Reina y Prins y Pancho, unda cu Minister di Husticia y Enseñansa Arthur Dowers a corona Thaina Lacle como e Reina Grandi pa 2013. E mandatario a disfruta di un momento ameno hunto cu e hobennan y nan maestronan. E mandatario a presencia e coronacion di Josy Coco como Reina Hubenil, como tambe di Shanaya Bareño como Princesita. Ademas, cuater duo a participa pa Prins y Pancho, unda cu Denzel Brown y Silvion Pardo, como Prins Bai y Pancho Bin a wordo scogi como e ganadonan. Minister Dowers a felicita tur e ganadonan y esnan cu a apoya nan pa e bon trabao cu nan a haci. E tabatin tambe elogio pa e forma bon organisa y ehemplar cu e hobennan a gosa di nan eleccion na scol hunto cu nan maestronan. Colegio Arubano ta preparando pa e celebracion di su di 55 aniversario, cual ta tuma luga durante e 2014, ora cu Aruba ta celebrando Carnaval 60 y a priminti di trece bek e impacto positivo cu Colegio Arubano semper tabatin den Carnaval. Clausurando Minister Dowers a desea tur e hobennan presente un dushi Carnaval, cu nan disfruta di e fin di siman largo na un forma sigur y sano.

album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter