|
Bishita di MVM Group serca Minister President |
|
|
|
|
Saturday, 22 November 2008 - 00:00 |
 Diabierna merdia Minister President sr. Nelson Oduber a ricibi bishita di e desaroyador Hulandes MVM Group di entre otro e proyecto cu e torennan cora, Chuchubi Luxury Residences na Noord y e proyecto pa casnan di familia Totolica Family Residences na Tanki Flip. Den un encuentro interesante Minister President a mustra interes serio den e proyecto nobo di MVM Group, Trupiaal Residences y Trupiaal Plaza. E proyecto nobo aki cu villanan bunita y independiente y un compleho cu localidadnan comercial y apartamentonan pa hendenan di edad lo ser construi na Hato, entre EPB y Elmar; mayoria conoce e proyecto caba cu e borchinan banda di caminda, cu ta haci pregunta na tur esnan cu ta pasa ey banda “Do you want to live here?” . Click read more pa lesa mas.
|
|
|
Nos Aruba 2025 a presenta comisionan |
|
|
|
|
Friday, 21 November 2008 - 00:00 |
|
 Projecto Nos Aruba 2025 ta den su fase
di diseño. E cuater fase nan discubrimento, visualisacion, diseño
y destino ta e concepto di full e projecto. Despues di a termina
e fase di visualisacion (Dream) den luna di october, nos a pasa pa e
fase di diseño na unda e siguiente puntonan importante a ser presenta: Concretisacion di e aspectonan
postivo (postive core) di Aruba, Concretisacion fundamental
di visualisacion, aspiración y oportunidadnan investiga durante di
e fase aki, Identificacion di otro oportunidadnan
cu mester pa produci un desaroyo sostenibel pa Aruba y Comisionnan cu mester pa
jega na e desaroyo sostenibel y kennan lo contribui na esey. Click read more pa lesa mas.
|
|
|
Bishita di dos Embahador di Isreal |
|
|
|
|
Friday, 21 November 2008 - 00:00 |
 Diahuebs mainta
Minister President sr. Nelson Oduber a ricibi bishita di tanto e Embahador
di Israel staciona na Caracas, sr. Shlomo Cohen y e Embahador di Israel
staciona na Bogota sr. Yair Recanati. Un representante di gobierno di
Israel a acompaña e dos embahadornan aki.E bishita aki ta den cuadro
di estrecha e lazonan di cooperacion entre Israel y Aruba. Mirando e
exito di Israel riba tereno di horticultura a yega na un acuerdo pa
sondea e posibilidad pa Aruba – mediante un experto for di Israel
hunto cu Departamento di Agricultura, Cria y Pesca – tambe promove
horticultura den e pais aki y consecuentemente percura pa den futuro
nos lo tin nos propio alimento.
|
|
|
Anochi cu Programacion Neuro Linguistico |
|
|
|
|
Friday, 21 November 2008 - 00:00 |
 Programacion
Neuro-Linguïstico (NLP) ta un metodo di comunicacion cu tin como obhetivo
realisacion di un cambio den conducta y pensamento cerca hende.E metodo a
desaroya su mes den añanan 80 na Merca y su origin ta den e hecho cu
a mira e metodonan usa pa terapistanan renombra como parti di nan terapia
y a tuma esakinan over.Pa informa
e personanan interesa na Aruba encuanto di e metodo ta organisa un anochi
di informacion. Recientemente, den luna di augustus y september 2008
e colectivo di trainer di Suriname NLP a duna un curso di 14 dia pa
e Departamento di Hubentud y Desaroyo Hubenil di Antiyas. Tambe nan
ta bai duna un curso den e aña nobo na Willemstad. Click read more pa mas detayes.
|
|
|
Skol di Baile Pachanga cu otro logro |
|
|
|
|
Thursday, 20 November 2008 - 00:00 |
 Diadomingo 16 di November a regresa for di un exitoso participacion na e “Festival Internacional de Salsa Barquisimeto 2008”, Janice Boekhoudt y Jordan Kock. Recientemente a sali publica cu e rumanan aki a wordo invita door di e organisadornan pa forma parti di e elenco di artistanan internacional di e festival y asina representa Aruba y naturalmente Skol di Baile Pachanga.Nan participacion tabata un exito rotundo mirando no solamente e hecho cu nan acojida tabata tremendo pero tambe cu (mescos cu a sosode cu e congreso SALSURI) desde awor caba nan a wordo invita pa participa otro anja un biaha mas. Nos embajadornan extra official di Salsa a pone Aruba su nomber brilla un biaha mas. Pabien Janice y Jordan y tambe Aruba y Skol di Baile Pachanga cu otro logro mas den e mundo Internacional di Salsa.
|
|
|
|
<< Start < Prev 1 2 3 4 5 6 7 8 9 10 Next > End >>
|
| Results 1 - 15 of 2173 |
