|
Digicel a desayuna cu prensa di Aruba |
|
|
|
|
Tuesday, 02 September 2008 - 00:00 |
 “Eigenlijk tur dia lo mester ta dia di prensa, pero awe nos ta djis pone enfasis y reconoce e trabou duro cu Boso ta eherce tur dia”, asina Wanda Broeksema encarga cu maneho di mercadeo y promocion pa e area di Antiyas y Aruba pa Digicel a bisa ayera mainta. E compania di celular cu mas ta creciendo na Aruba, Antiyas, den Caribe y tambe den Centro America a organisa un desayuno cu prensa local den Mooligans Restaurant na Divi Links. “Nos a traha masha di serca cu prensa den e ultimo 5 añanan y nos por bisa orguyosamente cu semper prensa a trata nos husto”, di acuerdo cu Michelle Winklaar, gerente general di Digicel Aruba.
|
|
|
Tierra del Sol a Ricibi un Rating Spectacular |
|
|
|
|
Tuesday, 02 September 2008 - 00:00 |
 Tierra del Sol a caba di wordo premia cu un rating di 4 1/2 streya den e edicion di 2008-09 di Golf Digest su "Miho Luganan pa Hunga," cual e aña aki a evalua casi 6,000 cancha di golf na Merca y na Caribe."E cancha a wordo evalua pa mas o menos 20,000 lector di Golf Digest riba un escala di cinco punto," tabata e splicacion di e profesional principal di Tierra del Sol golf course, Oliver Riding, kende tabata super contento cu e noticia.
|
|
|
Pabien na tur colega den prensa!! |
|
|
|
|
Monday, 01 September 2008 - 00:03 |
 Awe dia promer di September 2008 24ora.com tambe ta uni su mes pa tur nos miembronan di prensa un caluroso pabien pa e dia tan special aki. Un dia unda nos tin di para keto un rato y pensa riba e rol importante cu prensa tin den un comunidad. Aunke cada persona por forma su mesun opinion/ punto di bista prensa tin hopi influencia ariba e formacion di esaki. Esaki ta algo esencial pa prensa tene na cuenta ora di trese un noticia padilanti combina cu nan opinion. 24ora.com ta hopi contento di mira iniciativanan di companianan y tambe di miembronan di prensa pa organisa actividadnan pa trese prensa hunto. Click read more pa lesa mas di e comentario di e director di 24ora.com Sr Mark-Benson Denz.
|
|
|
Duna prensa nan pabien aki! |
|
|
|
|
Monday, 01 September 2008 - 00:03 |
 Dia di prensa ta un bunita occasion pa asina duna un danki y mustra aprecia pa nos miembronan di prensa. Prensa ta esnan cu ta tene nos constantemente informa di locual ta pasando na nos isla y tambe den exterior. Hopi biaha nan trabow ta rekeri hopi oras di dedicacion. E news item aki ta pa por media di dunamento di comentario (Click ADD COMMENT) por duna palabra di pabien na miembronan di Prensa.
|
|
|
Celebracion di dia di prensa cu Aruba Bank |
|
|
|
|
Monday, 01 September 2008 - 00:02 |
 Ta pa hopi aña caba cu Aruba Bank tin e celebracion di “Dia di Prensa” riba su agenda anual di eventonan. Mientras cu aña pasa a tene un lectura cu dos periodista bon conoci for di Mexico, e aña aki a opta pa un evento mas social. A invita periodistanan local pa topa na Garufa Coctail Lounge pa asina hunto celebra nan dia, den forma di un “Mega Press Event”. Click read more pa mas detayes y e imagenan di e tremendo celebracion aki. Un danki grandi na Aruba Bank!
|
|
|
|
<< Start < Prev 1 2 3 4 5 6 7 8 9 10 Next > End >>
|
| Results 16 - 30 of 1961 |
