Yemanja Woodfire Grill y Chef Sander van Kints a yuda yama bon bini na e embahador di cuminda di Concha Y Toro, e chef legendario di Belgica Ruth van Waerebeek, na Aruba.E chef a bin nos isla for di Chile pa asina promove un marca premium di binja fresco y delicioso, Trio, traha di tres variedades, tres variedad na Chile cu ta wordo mezcla na un manera experto pa e famoso binjero di Concha Y Toro.

Rejuvenate Medi Spa a habri diabierna, hopi serca di Palm Beach. E ta e prome spa medico na Aruba cu ta ofrece un variedad di procedura di tratamento. Kaye & Dr. Henk Marsman y e ekipo di RMS a ricibi nan prome bishitantenan na e facilidad tremendamente apunta, na Bubali 11-M, net banda di e Practice for Advanced Dentistry, unda e "djente grandi" ta situa riba e caya principal di Bubali

Un conferencia di prensa cu a wordo teni recientemente a revela e plan pa tene un torneo di golf caritativo na Divi Links, beneficiando e World Childhood Foundation. Miembronan di prensa a wordo invita pa haya sa mas di e torneo benidero di Scott Derrickson & Tasha Agana, representando gerencia y asociadonan di Radisson, como tambe Adam Williamson, e Pro na Divi Links.

E Aruba Hotel & Tourism Association a crea un serie di perfil di profesionalnan Arubiano hoben cu ta cosechando exito, creando un nomber pa nan mes den e industria di hospitalidad local. E siguiente ta algun di Aruba su storianan interesante tocante esnan cu a encontra exitoso careranan y satisfaccion profesional den e isla su industria di turismo.