Diabierna atardi 5'or Gobierno di Aruba y Antiyas a jama un tropical storm watch pa Aruba, Boneiro y Curacao. E tropical storm watch aki ta nifica cu e islanan ABC por sinti efectonan di un tormenta tropical den e sigiente 36 oranan. Ta trata aki di e di 6 depresion tropical. Ainda ta prematura pa bisa kiko Aruba lo por sinti of no. Actualmente ta tumando lugar un conferencia di prensa na meteo pa asina duna mas informacion. Keda up to date cu 24ora.com. Click read more pa e informacion oficial di National Hurricae Center.

Durante un conferencia di prensa cu a wordo ofreci door di Consales Aruba N.V., un campaña promocional pa e conocido liña di producto LYSOL a wordo introduci.  Jennifer Lopez, Brand Representative pa Lysol na Aruba a splica esnan presente cu for di dia 1 di September consumidornan cu ta cumpra cualkier producto di marca LYSOL lo participa pa gana 2 television Plasma di 42” di e prestigioso marca Panasonic.

Ayeranochi e oradornan invita di prensa di Mexico a yega Aruba pa por haci nan presentacion awemainta den Renaissance Convention Center. Na e ocasion aki Aruba Bank, organisador di e evento dedica na prensa local, a invita dos miembro di prensa recomenda pa Sociedad Interamericana di Prensa.

Servicio di Impuesto ta participa cu diasabra awor, dia 1 di september, e ta sera su campaña pa yena e formulario di declaracion di impuesto di entrada 2006.  Tur cliente cu kier haya ayudo por acudi ainda diasabra awor na e oficina principal na Paardenbaaistraat y no na Biblioteca Nacional manera participa anteriormente.