Durante un conferencia di prensa Lotto pa Deporte oficialmente a anuncia nan line up pa nan concierto di celebracion di 25 aña. E bandanan cu lo tey ta Le Groove, Tsunami, Oreo y Blade. E evento lo tuma lugar riba Plaza Betico dia 29 di juni proximo.

Den cuadro di por sigui introduci mas servicio y opcion pa su clientenan, recientemente Digicel y Checkpoint Color a yega na un acuerdo pa asina hunto ofrece e servicio di print potretnan for di bo celular por medio di e machine “Kiosk”.

Sra Sonia Joo Contreras e biaha aki ta e felis ganadora di e Jackpot di Afl. 100.000 di Lotto pa Deporte. Sonia su numbernan ganado ta 08, 10, 11, 16 y 22. Sonia a cumpra su Lotto na Lucky Numbers na Playa.

Dr. Visser a reuni cu Sr. Anderson Cooper di e programa 360 na CNN, den e promé di varios reunion cu lo tuma lugar, tocante di Obesidad Infantil. Esaki sigur ta e comienzo di algo hopi fructifero.