Minister drs. Marisol Lopez-Tromp cu tin un asignatura social democrata ta sali di e punto di bista cu mester stimula desaroyo economico pa consequentemente financia y ehecuta entre otro maneho y programanan social y educativo. Cu otro palabra pa Aruba por mantene un cierto nivel y calidad di bida mester por sigui crece economicamente.

Fraccion di RED a trata e topico di caminda di bicicleta den sala di Parlamento. E mocion na favor di un caminda pa bicicleta a keda aproba unanimamente. A logra convence e parlamentarionan cu e projecto aki ta na interes di nos comunidad ora tur ciclista por move riba caminda sin ningun peliger. Un caminda asina por sirbi tambe pa jogging, canamento y lo bira un espacio di recreacion importante.

Parlamentario Dirk Dumfries a duna di conoce cu gobierno di  MEP a paga 90 mil pa debe di material di school di compania di ex Ministro di enseñansa di AVP. Sr Dumfries ta splica cu e no por compronde con AVP ta papia un hala di disparate di e maneho di enseñansa durante tratamento di e presupuesto 2007 di e Ministerio di Enseñansa, Asunto Socila y Infrastructura.