|
Joyero Dennis Oduber dilanti huez awe. |
|
|
|
Friday, 03 July 2009 - 00:00 |
|
E conocido joyero Dennis Oduber
biba na Cumana mester presenta awe dilanti di huez. El a keda deteni na
su cas algun luna pasa cu algun acusacion serio contra dje. Ta un caso
cu tabata andando basta tempo unda te hasta un conocido abogado kende a
fayece un anja pasa lo tabata ser persigui dor di e joyero aki. Despues
cu e abogado a muri tur hende a kere cu tur cos lo caba pero algun luna
despues recherche a bai buske trempan mainta na su cas. Di e dia ey e
joyero a keda sera. Oduber ta wordo sospecha di kier a enrikese su mes pa un suma di $250.000 por medio di violencia y of menaza di violencia.
|
|
|
Caso Eugene Lampe acusa di asesinato cruel na Macuarima ta sigui awe merdia. |
|
|
|
Friday, 03 July 2009 - 00:00 |
Despues cu ya caba e caso a ser trata oranan largo den corte
y a keda posponi, awe e caso lo sigui. Aki ta trata di e caso caminda
Eugene Lampe ta ser acusa di a mata su mama, tata y ruman den forma
cruel. Algun dia pasa e abogado a laga sa cu e no sa kiko lo pasa si
resulta cu su cliente Eugene Lampe no ta responsabel pa loke el a
comete. Despues cu a trata e raport di psychiatrico di e clinica na
Hulanda den corte na Aruba ainda a keda algun pregunta cu e abogado y
fiscal tabata kier a haya contesta riba dje. Click lesa mas.
|
|
|
Caso di cardiologo Casper Lacle posponi |
|
|
|
Friday, 03 July 2009 - 00:00 |
E negociacionnan cu tin andando e momentonan aki entre e abogado di e
cardiologo Casper Lacle y tambe e abogadonan di IMSAN ta pone cu no ta
favorable pa e caso contra AZV sigui diabierna den corte. Dr Casper
Lacle contrario na AZV cu a manda tur paciente busca nan dossier, a
bisa su pacientenan pa keda trankil pasobra tur cos ta keda mescos por
lo pronto. AZV mes a anuncia dos cardiologo cu por tuma e lugar di
Casper. Dos ta na IMSANy e otro dosnan ta pabao di brug. Un di esnan na
San Nicolas ta e cardiolog di Fundacardio cu a haya contrato pa dos
luna.
|
|
|
Corte a sentencia Minister Booshi Wever |
|
|
|
Thursday, 02 July 2009 - 11:21 |
Desde aña 2007 caba a sosode un bez cu Minister di
Salubridad Publico, Drs. Booshi Wever a yama lider di Fraccion di RED den
Parlamento, esta dr. Rudy Lampe como un pedofiel. Claro cu un acusacion serio
asina no a cay den bon tera serca e politico cu a cuminsa evalua pa start un
proceso legal contra e mandatario. E situacion a bira mas serio ora cu durante un
pleno debate den Parlamento atrobe a cataloge como un semehante persona. Esey a
pone cu Dr. Rudy Lampe di RED a busca abogado mr. Ronnie Wix pa entama un caso
civil den Corte contra Minister Booshi Wever. Awemainta Corte a dicta sentencia
den cual a dicidi cu Minister Booshi Wever tin te cu diabierna pa rectifica den
Diario, Bon Dia Aruba y Amigoe di Aruba den e prome 3 paginanan, bisando cu na
ningun momento Dr. Rudy Lampe ta un pedofiel y cu ela bisa esaki sin prueba y
cu e ta conciente cu e declaracionnan cue la haci ta atacha e bon nomber di e
ex-pastoor. Den caso cu Minister Wever no cumpli cu e sentencia, dr. Rudy Lampe
lo por cobre 5 mil florin pa cada dia cu e no cumpli, te na un maximo di 100
mil florin na daño y perhuicio. Click lesa mas pa lesa e decision exacto di Huez.
|
|
|
Corte a kibra imunidad di Parlamento despues di mas cu 70 aņa |
|
|
|
Thursday, 02 July 2009 - 11:20 |
|
Ta trata aki di un inmunidad cu por ser considera como
sagrado. Cu esaki ley ta proteha e politico ora e papia den Parlamento, hacienda
casi imposibel cu por persigui un politico cu papia algo den Parlamento. Esaki
ta pa evita cu un politico ta keda sin bisa cosnan cu e mester bisa dor di miedio
pa represalia. Pero, algun aña pasa Corte Europeo ya a yega di atende un
politico riba algo cu ela yega di bisa den Parlamento, alegando cu e derecho di
inmunidad no ta sin limite tampoco. Esey mes Corte na Aruba a usa como base pa
e sentencia cu a cay awemainta den e caso cu dr. Rudy Lampe a entama contra
drs. Booshi Wever relaciona cu acusacion publicamente di pedofiel. Click lesa mas.
|
|
|
|
<< Start < Prev 1 2 3 4 5 6 7 8 9 10 Next > End >>
|
| Results 1 - 15 of 186 |
