Na corte tabata tin un situacion serio un rato pasa ora cu a drenta informacion di un pelea. Awe den corte mester a trata e caso di e grupo di Dakota. Algun di esnan di Dakota ta sera acusa di a tira riba un otro grupo y pesey mester a trata e caso aki den corte. Na varios ocasion e caso aki a keda posponi y esey a pone algun familiar rabia y pafor parce cu mesun hendenan di Dakota a enfrenta otro. CEA cu tabata bon representa a actua mesora. Polis a wordo yama pa reforza. Mester a actua cu man duro.
Diabierna mainta a presenta na corte Eugene Lampe. Eugene ta e persona cu e comete e acto cruel di a kima bibo su mama, tata y ruman homber. Awe huez lo a duna veredicto intermedio (tussen vonnis) pero awe mainta ora cu mester a duna resultado huez a informa cu esaki lo wordo posponi. Mas den di mas detaye. Aki por mira Eugene na edificio di corte awemainta.
Huez a hala atencion di hoben cu a wordo gara cu droga abordo di avion
Thursday, 05 March 2009 - 20:26
Awe diahuebs, e hoben E.C.N., a presenta dilanti di mesa berde relaciona cu su envolvimento di traficacion di droga. E hoben a keda deteni despues cu el’a wordo gara cu 581grm. di marihuana riba un vuelo di Hulanda pa Aruba. Segun e acusado, e droga tabata pa su propio uso. A base di e declaracionnan haci, fiscal a pidi 4 siman di detencion, 20 dia incondicional y 10 condicional, kitando e dianan cu el’a sinta caba. Den otro palabra, e hoben a bay den libertad.
Fiscal Mayor Hans Mos lo bandona Ministerio Publico
Monday, 09 February 2009 - 00:00
Voorzitter di Collega di Procuradornan General di Hulanda, mr. H.N.
Brouwer, a ofrece Dialuna ultimo 2 di februari 2009 na Fiscal Mayor di
Ministerio Publico di Aruba, mr. H.F. Mos, e opcion pa dos funcion den
Ministerio Publico. Mr. Mos lo dicidi en todo caso prome cu 1 di maart venidero
pa un di e funcionnan aki. Cu e escogencia pa un di e dos funcionnan, señor Mos
lo bandona Ministerio Publico di Aruba e zomer aki.
SAC ta hiba organisacion di evento di awe nochi corte
Saturday, 07 February 2009 - 17:25
Awe a wordo anuncia un evento cu lo tuma lugar na veld di centro di bario brazil cu lo tin 6 banda como invitado. Ta trata aki di un we are together jam. Bandanan ta le groove, youth xtreme, climx, dushi band y otronan. Aparentemente Anthony Gario lo ta tras di e organisacion aki. E evento ta wordo propaganda di ta completamente gratis. Debi cu durante e temporada di carnaval tur actividad mester haja aprobacion di SAC y SAC no a aproba evento aki mirando cu e ta riba e mesun dia cu calypso y roadmarch final, Sac a opta pa entama un kortgeding pa para e evento aki. Asina cu e resultado ta conoci 24ora.com lo informa su bishitantenan. Click read more pa mas imagen.
E evento por a sigi pero enbes di 6 banda un banda so lo por toca.
Anthony Gario presente pa Calypso & Roadmarch contest
Friday, 23 January 2009 - 15:03
Awe a tuma lugar e caso unda cu Sr.Anthony Gario a hiba Sac dilanti mesa berde pa asina wak si ainda e lo por tinun chens pa participa durante Calypso & Roadmarch contest. Nos tur sacu Sr.Gario a ricibi un carta di Sac ta splicando Sr.Gario lo no por participa den Calypso & Roadmarch contest durante anja 2009 te cu 2011. Esaki sigur no a cay na agrado di Sr.Gario y pa e motibo aki a hiba Sac corte. Ambos abogado a sa di presenta nan ponencianan dilanti mesa berde pa asina splica of convernce huez pakiko nan a tuma desicion asina drastico. Na final ambos partido a jega na un comprendimento cu otro y cu ta pone cu Sr.Gario lo por partcipa durante Calypso & Roadmarch contest. Clickplay pa skucha e differente entrevistanan.
E caso contra E.L. (acusa di a asesina su mayornan y ruman homber) lo
sigui 20 di februari venidero. E dia ey lo scucha psychiater Van Galen
como getuige deskundige y ademas behandelaar di e verdachte. Fiscal y
abogado tambe mester hiba palabra ainda. Awemainta huez a presenta e
repasa e dossier na e sospechoso y a hacie tal di pregunta.
A dicidi cu 8 container di kerstboom ta keda confisca
Tuesday, 02 December 2008 - 00:00
Despues cu Ministerio Publico a bisa cu nan lo confisca 8 container di e comerciante Tom v/d Biezen pa e motibonan ja conoci. E compania a entama un caso contra di Ministerio Publico pa asina nan no pone beslag riba e container y of pa yega na un areglo cu nan por bende e kerstboomnan toch. Un decision lo mester a cay diabierna pero esaki no a pasa. Dialuna nos por compronde cu e decision a cay naunda cu e containernan lo keda confisca. Es decir cu e compania di kerstboom a perde su caso.
Awe diabierna 28 di November 2008 Huez lo dicta den un kortgeding cu Season's Enterprises a entama contra di Ministerio Publico. Ta asina cu un di e comerciantenan cu ta deteni esta Sr. Tom v/d Biezen ta un di e propietarionan di e compania cu ta tresiendo 8 container cu kerstboom Aruba. Ministerio Publico a laga sa cu asina e containernan yega Aruba nan lo pone beslag riba nan. Esaki debi cu e containernan a wordo paga cu placa cu ta procedente di un robo. Season's Enterprises a informa cu ta solamente 40.000 dollar di e placa ey a wordo usa pa e downpayment pa e containernan y nan no tabata na altura cu e placa ta procedente di robo. Season's kier pa Ministerio Publico no pone beslag riba e containernan y pa asina nan por gana e placa pa Sr. Tom v/d Biezen paga Ministerio Publico bek. Si en caso cu MP no cambia di opinion e containernan lo wordo manda Venezuela mirando cu nan ta wanta na Jamaica actualmente. Debi cu e 8 containernan aki ta mitar di loke ta bin Aruba den su totalidad (15 container) esaki lo por nifica cu lo por tin scarcedad grandi di kerstboom.
Diamars mainta e dos comerciantenan di inicial T v/d B y K H mester a presenta dilanti di huez pa asina determina si nan lo wordo laga den libertad of no. Huez a disidi abase di e informacionan obteni cu e ta di opinion cu tin suficiente motibo pa prolonga e detencion di e detenidonan. E dos personanan aki a wordo deteni segun informacion ariba diasabra atardi y tin di haber no directamente cu e hortamento di e 1.6 miyon dollar di Aruba Bank. Segun informacion cu nos ta dispone di dje nan detencion tin di haber cu uso di placa cu tabata procedente for di e robo aki. (24ora.com no tabata presente na corte pa a logra saca portret. Nos disculpa pa esnan cu kier wak e caranan)
Corte Superior
dialuna a dicidi na fabor di e Parlamentario Otmar Oduber, den su demanda
pa daño y perhuicio contra di Gobierno, cu Otmar Oduber a entabla pa
e caso di Fondo di Desaroyo San Nicolas. Corte Superior
a duna Parlamentario Oduber razon den su demanda y a ordena pa paga
su persona e suma di 40 mil florin, como parti di e gastonan cu
el a sufri, pa cu su defensa, contra di e demanda di parti di Gobierno,
y caminda Corte a dicidi cu Otmar Oduber ta inocente di tur acusacion
den su contra. Click read more.
