Despues di a cuminsa cu e parti di edita e promer video den e serie di reportahenan for di Panama 24ora.com ta presenta awe e promer video. Click play pa mira e reportahe di e promer dia den e viahe pa Panama.
Grupo di Aruba a keda impresiona cu waterval na Panama
Thursday, 03 September 2009 - 11:25
Durante e excursion pa "El Valle" cu Decameron Explorer na Panama e grupo di agencianan di viahe y 24ora bow auspicio di Aruba Copa Vacations a bishita un area sumamente bunita den e naturalesa di Panama. Ta trata aki di area remoto unda cu por medio di brugnan di cabuya mester crusa pa drenta e selva. Despues di a cana pa mas of menos 10 minuut e grupo a yega na un waterval cu un bista impresionante. Apesar di cana den e area aki esnan cu gusta practica deporte extremo por practica "canopy" tambe.
Den e recorido cu Aruba Copa Vacations na Panama nos a logra di bishita un zologico den un area cu hopi naturalesa berde. E nomber di e zologico ta "Nispero". Aki nan por a topa cu diferente bestia manera reptilnan, diferente tipo di macaco, puma, avestruz y hopi mas. Tambe tabata tin e oportunidad pa drenta un area dedica specificamente na diferente tipo di sapo cu ta biba solamente na Panama. Click lesa mas pa aprecia e fotonan di e bishita na e zologico aki na Panama.
Manera e bishitantenan di 24ora.com por a tuma nota cu 24ora.com a hasi un viahe pa Panama hunto cu diferente agencia di viahe for di Aruba y Aruba Copa Vacations. A hasi un raportahe di portret y video. Den e articulo aki ora di click riba Lesa Mas por mira e fotonan di e salida for di Aruba cu Copa Airlines y foto di e yegada na aeropuerto di Panama y e yegada na Hotel Royal Decameron na Costa Blanca. Click lesa mas pa mira e fotonan.
Despues di a check in na Hotel Royal Decameron panama e grupo di Aruba por a sigi pa asina mira nan camber y pa despues topa den e restaurant "Canal". Esaki ta un di e 8 restaurantnan cu e mesun hotel Royal Decameron ta ofrece. E ta trata di un restaurant di cuminda di laman. E grupo por a scohe for di un excelente variacion di menu cu a keda gusta pa un y tur. E specialidad di restaurant "Canal" tabata e salmon. Click lesa mas pa mas foto di e anochi di cena na Panama.
Tour rond di hotel Royal Decameron na Panama cu 24ora
Thursday, 03 September 2009 - 10:14
E grupo di Aruba huntu cu 24ora.com a ricibi un tour extenso di e mahestuoso All Inclusive Hotel Royal Decameron. Ta trata aki di un hotel cu mas di 800 camber. E tour a cuminsa cu un splicacion di e departamente di excursionan pafor di hotel cu jama "Decameron Explorer". Nan ta responsabel pa un sin fin di excursionan rond di Panama. Despues e grupo por a mira un video unda cu a mustra e diferente hotelnan cu e cadena Decameron tin rond di Centro America y Latino America. Despues di esaki a sali pa asina mira e diferente facilidadnan manera Gym, Restaurantnan, Piscina, Nightclub, Casino, Spa y otronan. Click lesa mas pa mira e fotonan di e tour na e fabuloso hotel.
Siman pasa, e team di 24ora.com a viaha rumbo Panama pa asina cubri varios reportahe na e pais bunita aki. Den e proximo dianan, nos lo bin cu varios video di e diferente lugarnan cu 24ora.com a bishita. Click play pa asina mira e video...
24ora.com rumbo pa Panama hunto cu Aruba Copa Vacations
Thursday, 27 August 2009 - 09:00
Despues di bastante luna sin duna contenido na nos pagina di viahe ( Travel) awe 24ora.com ta sali cu un crew di dos persona pa e destino di Panama. Desde cu Aruba tin buelonan directo pa Panama cu e aerolineanan Copa e destino aki sigur a bira hopi mas popular. 24ora.com ta viahando riba invitacion di Aruba Copa Vacations a prepara un programa extenso pa asina mira e diferente partinan di Panama. Keda Pendiente pa e reportahenan di portret y video for di Panama.
Cuminzando dia 22 di Augustus te cu dia 29 di
September, nos compania local Tiara Air, tin e tremendo oferta pa bula bay
Riohacha, Colombia, pa solamente Afls. 400,-. Esaki ta exclui impuesto di
salida. Click lesa mas pa mas info...
