Beijing tin intencion di kita un averahe di mas cu un miyon auto for di riba caminda pa mehora e fluho di trafico durante e Weganan Olimpico di 2008, oficialnan ta bisa. “Di acuerdo cu calculacionnan preliminar, combina cu experiencia di otro ciudadnan durante Weganan Olimpico, nos mester baha 20 pa 30 porciento di e peso di trafico durante e periodo ey, pa asina nos por garantiza un operacion normal di trafico Olimpico,” Liu Xiaoming, di e Comision di Trafico di Beijing ta bisa.

Manera ta conosi dia 28 di April 2007 e di tres evento di Last Man Standing ta bai tuma lugar na Centro Deportivo Betico Croes.  Last Man Standing ta un evento cu e deporte di pelea. E biaha aki tambe ta bai tin participantenan di Curacao. Dus e peleyanan ta bai ta hopi mas spectacular. Tin un total na premio di Afls. 20.300,-. 

Dos studiante di ultimo aña di Instituto Pedagogico Arubano (I.P.A) esta Gianny Fricke-de Windt y Danielle Miguez ta trahando riba nan projecto social conhuntamente cu Animal Rights Aruba (A.R.A) pa por finalisa nan estudio. Conhuntamente cu Animal Rights Aruba ta organisando un caminata pa por recauda fondo. E caminata ta 5 km y lo tuma lugar diadomingo awor 15 di april 2007 na e parkinglot di Sun Plaza Mall.