Manera ya ta conoci nos compania nacional  SETAR ta formando parti di e team di colaboradornan y patrosinadornan di Weganan di Reino 2009 sosteniendo e desaroyo sano di nos hobennan cu ta preparando pa e competencianan cu lo tuma lugar na luna di Juli proximo. Den cuadro di esaki tambe, SETAR a caba di saca un serie di carchinan di telefon prepaga (prepaid) cu ta desplega nos atletanan y nan diferente deportenan cu nan ta bai participa cu ne. Esaki sigur ta algo cu lo ta un estimulo pa nan tur haci nan maximo esfuerso y dedica nan tempo den e preparacionnan necesario pa asina nan por bai desplega excelencia den e deporte cu nan ta practica.

For di organisadornan por a compronde cu tur cos ta andando den bon direcion cu e preparacionnan pa cu e grandioso torneo di Royal Power esta Champ of the Champs 3. Por corda ainda con na 2007 y na 2008 e propio equipo di Royal Power apesar di ta e organisadornan trahando incansabel tanto den bar y cushina pero tambe como umpire y asina mes a logra den un forma magestral hungando bala riba un nivel ganando e torneo aki contra teamnan grandi entreotro Boston USA y tambe Baranka pa mantene e titulo y trofeo na Aruba.

Durante dos siman Aruba a keda den e gara di deporte cu Olimpiada Escolar Betico Croes 2009. Atletanan di schoolnan preparatorio, basico y avanza a participa na grandi den e competencianan deportivo cu a tuma lugar.  Click lesa mas pa mas info...

Comite Olimpico Arubano a ricibi e siguiente noticia for di Comité Organizador di e prome edicion di e Weganan di Caribe, cu lo a tuma lugar di 13-19 juli 2009 na Trinidad & Tobago, y cu nos ta desea di comparti cu tur nos federacionnan miembro.

Ariba invitacion di Presidente di World Taekwondo Federation, Presidente di Aruba Taekwondo Association, Grand Master Chaco Cornelio, a participa como referee na e Campeonato Copa Mundial di Taekwondo cu a tuma lugar na Baku, Azerbaijan. 

Recientemente Gino Hodge a competi na 2 careda di Duathlon na e estado di Florida. Den e luna di mei, Gino a competi na e Marineland Duathlon na St. Augustine, Florida. Esaki tawata un careda di distancia olimpico, dus 5K na pia, 40K na bicicleta y 10K na pia. Gino a core e careda aki den 2 ora y 10 minuut, tumando asina e prome lugar den duathlon. 2 siman despues, Gino ta regresa Florida pa e siguiente careda di e Multirace series. 

Real Challenge 2009 ta presenta seminario un Bida Saludabel. Esaki lo tuma lugar dia 18 di Juni, den e ballroom di Aruba Westin Hotels & Resorts. Ta bay tin presentacion di Rene Wild, kende ta trata e temanan di nutricion basico y bahamento di peso. Click lesa mas pa mas info...

Atletanan di Enseñansa Basico a disfruta di bon encuentro di softball durante  e recien Olimpiada Escolar Betico Croes 2009. E weganan final a bay entre Cacique Macuarima School, St. Paulus School, Colegio St. Teresita y St. Anna School. Tur wega a tuma lugar riba veld di Noord Cura Cabai.

Recientemente a tuma lugar e evento “Amsterdam Golf 2009” na RAI, Amsterdam. E evento aki a tuma lugar durante e fin di siman di 6 pa 8 di Maart. E dia cu a conta cu mas trafico di bishitante, tawata e prome dia, di evento, na unda un cantidad grandi di amantenan di golf a bin presencia esaki. E  aña aki a kibra record ya cu e cantidad di participante a surpasa e cantidad di aña pasa, cual tawata 12.130 bishitante. 

Diasabra atardi e tabata tin e clausura di Olimpiada Escolar Betico Croes 2009 den Compleho Deportivo Frans Figaroa. Despues di dos siman cu e Scol nan Preparatorio, basico y Avansa e bataya fuerte den varios Deporte. Click den gallery pa mas potret!!!