|
Aruba ta cla pa e wega final awe na Taylor Michigan |
|
|
|
Saturday, 22 August 2009 - 13:58 |
 Tur kos ta cla pa e wega di campeon di World Series na Taylor Michigan. E animo di nos muchanan ta halto y cla pa trece e trofeo maximo cas. 24ora.com kier a invita Aruba completo pa sintonisa e wega na radio 107.5fm y tambe na 1270am pa asina apoya nos muchanan y laganan sinti cu Aruba ta hopi orgulloso di nan pa e bon papel cu nan ta eherciendo den exterior.E wega final lo ta Aruba contra Merca pa 5pm awe tardi. Nos di 24ora.com lo ta treciendo un update constantemente di e partido aki. Aruba laga nos uni y ban apoya nos muchanan den exterior. Click e icon di comentario pa asina manda bo bon deseonan pa nos muchanan den exterior.
|
|
|
Aruba ta wordo elimina den Semi Final na Bangor Maine |
|
|
|
Friday, 21 August 2009 - 17:06 |
 Informacion cu nos a ricibi for di bangor Maine ta, cu nos campeonan a wordo elimina den e Semifinal contra di e ekipo di California cu e score di 7-6. Esaki a cay como sorpresa pa tur hende, mirando cu Aruba tabata e ekipo mas fuerte den tur e otro ekiponan. Locual cu a laga e ekipo di Aruba perde ta cu den inning 3, Aruba a laga un total di 7 careda drenta y a comete 3 error den e mesun inning. Click lesa mas pa mira mas imagen....
|
|
|
Aruba ta clasifica pa SEMI FINAL na Bangor, Maine |
|
|
|
Thursday, 20 August 2009 - 16:13 |
![IMG_8334 [].jpg](images/stories/news/2009/Augustus/aug20/baseball/IMG_8334 [].jpg "IMG_8334 [].jpg") Un rato pasa nos a caba di ricibi e grato noticia cu nos equipo cu ta resaltando na Bangor, Maine, a caba di clasifica pa Semi-Final. Esaki ta pone cu e equipo di Aruba na e momento aki ta sinta ta warda ken lo ta e contrincantenan cu nan lo mester enfrenta pa semi final mañan diabierna. Si tur cos ta bon cu Aruba gana e semi final, nan lo ta representando e bandera orguyoso di nos dushi isla Aruba diasabra awor den e final na Bangor, Maine. Click lesa mas pa mas informacion.....
|
|
|
Aruba ta sigi gana na Bangor Maine y tambe na Taylor |
|
|
|
Thursday, 20 August 2009 - 14:01 |
![IMG_1520 [].jpg](images/stories/news/2009/Augustus/aug20/baseball/IMG_1520 [].jpg "IMG_1520 [].jpg") Informacion cu nos di 24ora.com ta na altura ta cu nos muchanan cu ta resaltando den un forma unico na Bangor Maine y Taylor Michigan ta eherciendo un tremendo papel unda cu tur team cu bin ta hanja. Nos muchanan nan animo ta halto y positivo cu nan lo bin cas cu e titulo maximo den e torneo di Serie Mundial.Te cu awo den e division di Senior League cu Aruba tin 2 wega gana y 1 perdi. Y e division di Junior League tin 2 wega gana y 1 perdi. Click lesa mas pa asina por mira mas imagen of den e section di World Series Baseball.
|
|
|
