ORANJESTAD - Siman pasa tabata un siman hopi bon pa e empleado di La Cabana Beach & Racquet Club, Edgar Garcia. E EMT y ingeniero no solamente a wordo escohi como Empleado di Luna pa luna di maart, pero tambe el a wordo escohi como e ganador di e premio di Gung Ho na La Cabana, cual a wordo anuncia pa e hotel su Gerente General Joe Najjar.

E programa di Gung Ho a wordo introduci na La Cabana aña pasa y na un manera sumamente positivo el a influencia cada un di e empleadonan cu ta traha na e hotel.

ORANJESTAD – E Steakhouse Mericano mas gusta na Aruba, L.G. Smith's Steak & Chop House, actualmente ta presentando un homenahe culinario na Merca, cu un promocion special titula "A New Taste of America."
Di 13 di april pa 31 di mei L.G. Smith's hunto cu Certified Angus Beef y e US Meat, - Poultry y Cheese Federations ta presentando un seleccion special di platonan Mericano, compaña pa biñanan di California importa pa Arion Wine Company.

Diadomingo a tuma lugar e di 8 Bridal & Social Fair na Westin Aruba Resort. Diferente compania for di servicio di limousine te cu decoracion pa evento tawata presente pa expone nan servicionan. Tambe na final di e atardi a tuma lugar un tremend show di moda presenta pa Creaciones Aimee. Musica tawata en cargo di Cool Pro Entertainment y Cyclone Promotions. Click read more pa un reportahe di video!

Animal Rights Aruba a sera un aliansa cu Aruba Retrievers Club cu recientemente a keda lanta oficialmente. Esaki a sosode recientemente durante e conferencia di prensa di ARA unda cu nan a anuncia tambe e laso cu e pareha mericano Mick y Liz Miller cu lo bende nan ‘grumblebears’ di cual 50% di e fondonan haya ta bai pa ARA mes.