Oranjestad,- Recientemente Aruba Tourism Authority tawata tin e placer pa honra e hoben, Mikal Oltedal como huésped distingui pa e isla di Aruba, kende tin 10 ana bishitando nos isla conhuntamente cu su mayornan y ruman chikito. Ela keda sumamente contento cu e reconocimento aki y alaves a expresa cu e ta gusta Aruba hopi pa su beachnan pero especialmente pa e cuevanan den Parke Nacional cu desde chikito a yama su atención.

Flora Market su Caminata pa Clown Doctors, cu 672 participante cu nanishi cora, tambe a produci un cantidad di ganador cortesia di Flora Market, e sponsor principal di e evento.  E intento pa produci e parada mas largo di payaso cu nanishi cora pa e Guinness Book of Records, a conta cu un rifa generoso unda cu Jenny Knijn a gana e premio mayor di un viahe pa Disney pa dos persona, cu tur gasto paga.  

Sra. Marlene Croes ta e felis ganadora di e  Jackpot di 750.000 di Lotto Pa Deporte di dia 21 april. Marlene su numbernan ganado ta 09, 10, 17, 18 y 22. Marlene a cumpra su Lotto na Warawara di Suerte na Santa Cruz. Marlene tin hopi anja ta cumpra lotto caba, e numbernan ta representa fechanan di nacimento di su jiu y difunto mama, number di cas y edad cu su yiu tin.

Oranjestad – E intento exitoso di Clown Doctors pa establece un GWR, pa e Guinness Book of World Records a ricibi sosten di henter comunidad. Nos fotograf a capta Rick Zeola, Gerente General di Marriott Resort y su casa Mashelle entre esnan mas dilanti den e parada, como tambe ehecutivonan di Marriott & Divi, Louella y Ross Brezovar y nan yiunan, cu por ser mira cu algun agente policial.