Su Altesa Real Prinses Margriet Francisca di Hulanda y su esposo Prof. Pieter van Vollenhoven a despidi di Radisson Aruba Resort Spa & Casino. Click lesa mas pa mas info...

Na Aruba lo tin un actividad internacional di bolero. Presente na e conferencia di prensa tabata tey representantenan di Westin y DAE hunto cu e organizadornan. E competencia di bolero internacional lo tuma lugar dia 8 di augustus y lo ser dedica na Carmelo Heyer un conocido musico. Mafalda Miguel tambe lo tey for di Curacao. Un tremendo bolerista cu no ta desconoci y ta ser considera e mihor den Caribe. Stanley Arends promotor di e evento a splica cu Casin Giel lo ta enfoke di e cantantenan local.

Departamento di asuntonan social a anuncia e proyecto, Bo Sa Unda Bo Yiu Ta? Presente tabata tey minister Marisol Lopez Tromp kende a habri e conferencia di prensa y el a splica algun ehempel di e proyecto Bo Sa Unda Bo Yiu Ta?Gran parti di e problemática ta uno structural unda e guia y supervisión di e mayornan tin un rol hopi importante. Awendia e huymento di cas a lanta cabez. E proyecto Bo Sa Unda Bo Yiu Ta, ta consisti di diferente parti. Minister Marisol a splica mas. Minister Marisol Lopez Tromp a splica cu diferent einstancia tin e vision di e mayornan y nan yiunan. E instancia social cu ta traha den e ramo aki ta hopi bon prepara.Click play pa skucha MinisterMarisol Lopez Tromp...

Gina Hoevertsz di departamento di reclasering ta atende cu e hobennan cu ta cay den problema cu husticia. Ultimo anjanan nan ta topa cu 80 hoben cu ta haya nan mes den problema cu husticia. Loke a keda constata ta cu e hobennan ta cana den grupo y ta comete crimen den grupo. E crimennan cu nan ta comete a cuminsa bira uno hopi serio. Famia instabil tin atencion di reclasering pasobra esaki ta un di e motibonan di hopi problema. Canamento di hobennan hunto den bario mester di atencion. Hopi biaha ta tende cu e hobennan ta problemático. Esaki ta un tendencia cu mester wordo elimina. Como reclasering nan tin diferente tip valioso. Un di nan ta pa mayornan envolve na mes den loke nan yiu ta haci. Semper ta bon pa bo yiu dedica tempo pa estudio di bo yiu y sa kiko e ta haci na school. Sa kiko ta loke ta pasa den bida di bo yiu ta hopi importante. Tur esaki mester bin cu reglanan na cas. Djis Click y scucha Gina Hoevertsz di Reclasering. 

Voogdijraad tabata presente na lansamento di e campaña Bo Sa Unda Bo Yiu Ta? Gregory Oduber representante di Voogdijraad a splica cu nan ta traha riba proteccion di nos hobennan. Ultimo tempo e problema mas grandi ta e muchanan cu ta keda nan so na cas sin supervisión. E menornan of hobennan cu ta sigui nan curso riba nan mes ta algo resaltante. Ultimo tempo hopi mucha muher ta huy di cas pero nan no kier bolbe cas. E asunto di sugar daddy mescos ta bin dilanti. Ta importante pa tin mihor comunicacion entre mayornan cu yiunan. Gobierno mester pone un prioridad riba nos hobennan y no solamente un prioridad di palabra. Gregory Oduber di Voogdijraad tambe tabata tin conseho na e mayornan pa asina guia nan yiunan den mihor forma. Duna bo yiu mas envolvimento. Bo ehempel ta mustra bo yiu con bon e mester ta. Control riba bo yiu su movecion manera uso di computer etc ta algo cu bo mester vigila. Click pa scucha Gregory Oduber di Voogdijraad...

E proyecto Bo Sa Unda Bo Yiu Ta no ta uno para riba su mes. E retonan den e trabao social ta birando mas y mas complica. Awendia e factornan y cambionan ta situacionnan serio den comunidad. E parti preventivo mester traha duro riba dje según Stanley Heinze. Nos comunidad social y ambiente di cas ta hunga un rol importante. Stanley Heinze a comenta riba e gang di arte y asina den forma positivo mira kiko nos hobennan por den nos comunidad. Click play pa scucha.....

Daniel Tecklenborg di e departamento di asuntonan social a splica cu diferente meta cu kier logra cu e proyecto Bo Sa Unda Bo Yiu Ta? Den e proyecto aki kier duna e mayornan tambe un guia con pa anda cu nan yiunan. E intencion ta pa e proyecto sigui te den luna di December 2009. Según Daniel Tecklenborg tin diferente fundacion y instancia envolvi. Tur e instancianan aki hunto cu kier manda un mensaje pa henter e comunidad di Aruba. Topiconan sano lo bin dilanti cu consehonan practico. Cada cas lo haya un fólder y ta importante pa usa e consehonan. Varios caminda lo tin posters y billboards según Daniel Tecklenborg. Te hasta den busnan lo keda manda mensahenan pa asina e yega tur caminda. Como profesional nan kier sera un compromiso pa logra un guia sostenible pa henter Aruba. Click pa scucha Daniel Tecklenborg splica mas…

 Parti 1

Parti 2