Empleadonan
cu a yega Comfort Health Care riba Diamars mainta a bin tuma nota cu den oranan
di madruga clientenan desespera pa por luci durante e dianan di carnaval a
purba di drenta pa bay cu Slimming Panty den oranan di marduga. Nan a haci
esaki dor di kibra e porta dilanti cu un baranca y asina a logra penetra den
Comfort Health Care cu ultimo temponan ta masha ocupa den dia pa benta di su
productonan manera entre otro e popular “Slimming Panty”.
Den oranan di diamars mainta, polis a wordo poni na altura cu lo tabata tin un accidente na altura di Maiky's na Hooiberg. Ta trata aki di un dama hoben cu lo mester a cruza dilanti di un Mitsubishi Lancer color blanco. Debi na e impacto, e dama chauffeur di e Lancer a primi e brake di susto y a dal un spin y a accidenta. Polis a presenta na e sitio pa asina revisa un que otro. Danjo tabata minimal. Click lesa mas pa mas imagen...
Cuerpo Policial cu informacion valioso tocante stulnan riba ruta di Carnaval
Tuesday, 09 February 2010 - 11:26
Cuerpo Policial Aruba, pa medio di e management team di districto 3 (San Nicolas) kier informa publico lo siguiente.Entrante Diahuebs 11 di februari 2010 ya por cuminsa pone stoel riba parada di Carnaval na San Nicolas. Esakinan por keda riba e ruta sin problema pa reserva lugar pa wak parada, manera ta custumber. Click lesa mas pa mas informacion.......
Awe tabata un dia agita pa agentenan policial, kendenan ta tras di pista di un presunto ladron. Nan a wordo informa cu e malhechor aki tabata den vecindario di Las Calenjas, pero na momento cu nan a yega, nan no a topa cu ningun hende. Click lesa mas pa mas info...
Hoben yena di curashi a bay dal Polis despues di parada
Sunday, 07 February 2010 - 21:59
Un mucha homber cu hopi curashi a cana yega serca un agente
policial para net na final di e parada na altura di Marisol Building,
net despues di e lagoen na Oranjestad. E hoben a yega y bisa e Polis cu “Bo
sa brother, awe mi tin gana di dal un Polis” y despues di esey a pusha e
Polis cu su dos mannan duro den su pecho. Click lesa mas pa mas info y foto di e detenido...
E Harley Davidson a danja net ora cu mas tabata tin mester di dje durante parada di carnaval di mucha na Playa. Net ora cu e parada tabata yegando e rotonde Las Americas e grupo motoriza a haya problema cu e brommer. Bao di e mata di Kwihi a haci intentonan pa drecha esaki. Te hasta mecaniconan di brommer a purba duna un man pero finalmente no por a start e Harley. No a keda nada otro di pone den baki di pickup y move pa otro lugar pendiente e garashi habri dialuna pa reparacion. Awor e grupo motoriza cu ta basta activo riba caya tin falta di un brommer. Click lesa ma pa mas potret...
Un Toyota Camry pa motibo di un corto circuito awor no por core mas. Diadomingo net ora cu e carnaval di mucha a cuminsa move e auto Camry a pega candela pariba di Havana. Bomberonan a ser yama y a presenta. Nan a actua y paga e candela. E auto a kima basta pafor y paden unda pasaheronan ta sinta el a kima completo. No tabata tin danjo personal. E anja di auto ta mustra cu e lo no por ta sigura all risk. Riba e foto por mira kiko a resta di e Camry cu a kima diadomingo merdia.Click lesa mas pa mas potret...
Diasabra anochi despues di Parada di Luz na L.G. Smith Blvd a tuma lugar un hincamento basta serio, click play pa mira e video, na comienso e video no tin sonido.
Polis tabata man yen di trabou Diadomingo marduga despues di Parada di Luz. For di Adriaan Lacle Blvd. te na Crystal Casino a registra varios pelea na unda detencionnan a cay. Click play pa mira e video compila.
Dos detencion na altura di cruzada di Adrian Lacle Boulevard den otro caso di hincamento
Sunday, 07 February 2010 - 03:57
Den oranan di marduga e aglomeracion di hende tabata hopi grandi na e cruzada popular. Na dado momento un di dos pelea a start unda cu un persona a wordo hinca. Na yegada di Polis nan ta pidi pa Ambulance. Personal di Ambulance ta transporta e victima principal. Stranjo ta cu e sospechoso tabata grita cu ta e a wordo hinca. Na final Polis a detene su persona y tambe un dama cu tabata na e sitio y no kier a rezona.
Click lesa mas pa mas potret...
Hobenan bou influencia a wordo listra preventivamente den Sibeliust straat
Sunday, 07 February 2010 - 03:44
Un rato despues cu un pelea grandi a start na e cruzada di Adriaan Lacle Boulevard y L.G. Smith Boulevard Polis a haya un tip. E tip aki tabata duna di conoce cu esnan cu tabata envolvi lo mester ta canando den Sibelius straat. Polis a move cu varios unidad den e direccion ey. Na nan yegada ta bin topa cu un grupo di hoben bou influencia di alcohol. Polis no a basila y a lista ful e grupo. No a logra topa nada particular. Click lesa mas pa mas potret...
Aparentemente un homber lo a dal un dama, unda cu e yui di e dama a bin
reclame y un discusion a formal start. Ora polis a yega nan a dicidi di
detene, e homber a purba na resisti e arresto.
Na momento cu e last lap di e parada tabata pasando na altura di ex
edificio di immigracion un persona a wordo herida gravemente. Cu un
obheto skerpi e sospechoso a propina e victima varios hinca. Cu hopi
urgencia Ambulance a dirigi su mes pa e sitio. A bin topa cu e victima
y a transporte cu hopi velocidad pa Hospital. Esaki a sosode cu
asistencia di un unidad di Polis cu a habri e caminda pa Hospital. Click lesa mas pa mas potret...
Chauffeur balente ta hasi fever dilanti Plaza Betico y ta wordo deteni
Sunday, 07 February 2010 - 03:41
Na momento cu e parada di luz ja tabata den L.G Smith Boulevard e
trafico tabata bastante pega den Vondelaan. Na dado momento un
chauffeur a disidi cu e ta hasi un poco di fever cu su auto. Esaki a
salie bastante caro debi cu Polis tabata hopi serca y no a tolera
esaki. Polis a ordene pa e baha for di auto y nan a bise cu nan ta tuma
e auto den beslag. E chauffeur no a gusta esaki y e Polisnan ( motibo
exacto no ta conoci) a dicidi di detene cu forza. Algun testigo tabata
comenta cu Algun Polis a exagera cu e forza bruto cu a usa contra e
persona aki. E ultimo aki 24ora.com no por confirma.
Despues cu Parada di Luz a caba asistencia medico a ser pidi pa un dama cu pa un of otro motibo mester a kap su cabez. E sla tabata bastante fuerte y personal di ambulance di gobierno a atende na altura di Willem III Toren. Apesar cu e sla tabata fuerte no tabata tin mester pa transporte pa Hospital.
Gran cantidad di detencion despues di Lighting Parade
Sunday, 07 February 2010 - 03:31
Cuerpo Policial cu su diferente teamnan tabata hopi activo y visibel durante y despues di e parada. Mester duna di conoce cu tatin un gran cantidad di detencion cu a cay. Tanto hendenan jong como esnan di mas edad. Na dado momento Polis a hasi un detencion di un caballero cu ni pa nada kier a sigi orden di Polis. Polis a pidi asistencia di e vehiculo di C.E.A pa asina transporte pa warda di Polis.
