Korps Politie Aruba en cooperacion cu Ministerio Publico kier a informa pulico lo sigiente. Diabierna, 16 di mei 2008 antisocialnan a drenta un Petshop na Kibaima pa horta. Denuncia a wordo entrega y Polis ainda ta investigando e caso aki. For di e Petshop e antisocialnan a bai cu entre otro, quimiconan peligroso. E quimiconan aki ta dañino pa bida di animal y hende si nan no wordo wordo almacena,  empaketa of usa na e forma corecto. E productonan aki ta hopi dañino y ta forma un peliger pa cada habitante di cas unda cu esaki wordo warda/almacena y pa tal motibo mester wordo busca door di personanan cu tin e conocemento con pa trata cu e tipo di productonan aki. Click read more pa mas detayes.

Diabierna anochi na altura di e luz di trafico di Marathon a sosode un accidente bastante grandi unda cu un auto blanco cu tabata core cu luz paga tabata tin e falta. E auto tabata core malo riba caminda y cu hopi velocidad. Na un dado momento tabatatin 3 auto para na luz di trafico y e auto no por a kita pa esun mas patras. Esaki a hasi cu e auto a dal den e auto di mas patras y a bay bolter. Ambulance a presenta na e sitio pa asina hiba e chauffeur di e auto blanco. E chauffeur a keda herida pero mester menciona cu testigonan tabata haja holor fuerte di alcohol.  Click read more pa mas imagen.

Diabierna, 23 di Mei den careda di 3'or di merdia un dama riba quadracer lo a perde control y bai termina den cura di cas di Tanki Leendert 285-C. Segun nos por a compronde di testigonan ocular tabatin un caravan di quadracer cu turista riba caminda. Na dado momento pa motibonan desconoci un dama turista lo a perde e control riba su quad y termina bashando un cura di cas abou. E dama turista a sufri algun rasca na su curpa pero nada di gravedad. Ambulance cu a presenta na e sitio a duna e dama e tratamento medico necesario. Click read more pa mas imagen.

Diabierna, 23 di Mei den careda di 2'or un auto lo a dal tras di un otro auto y causa un kettingbotsing cu tres auto envolvi. Esaki a tuma lugar net prome cu e retonde di Tanki Flip. Inmediatamente un patruya di Polis a wordo despacha pa e sitio di e accidente. Aki nan e agente policial a constata cu e chofer di auto no tabatin su papelnan na ordo. Pa tal motibo takelwagen a wordo yama pa asina transporta e auto pa warda di Polis. Click read more pa mas imagen.