Dialuna mainta banda di un 4:10 polis a cuminsa controla e lugarnan cu ta habri despues di 4or di marduga. Nan a para na diferente lugar manera Funchal unda cu e 3 patruya a para dilanti e lugar y tur hende tabata sa caba cu nan mester a sali. Despues nan a bai Karma sigi pa tur e otro lugarnan den centro di ciudad. Mayoria di lugar si tabata sera caba. 

Dialuna marduga 3:10 am a pidi polis cu urgencia na City One unda cu tin diferente persona ta bringando. polis a manda diferte patruya na e lugar unda cu nan a constata cu tabatin un fiesta di mucha hoben y cu tabatin hopi boter kibra riba e caminda dilanti di City One. 1 persona a wordo hinka y otro a hanja un piedra na su boka y kibra esaki full. Tur 2 persona mester a bai hospital. Polis a caba cu e fiesta y core cu tur hende di e lugar.