Despues cu S.A.C a anuncia oficialmente siman pasa cu Calypso y Roadmarch Contest lo tuma lugar na Centro di Bario Lago Heights e firmamento a tuma lugar. Tanto representantenan di S.A.C y tambe di Centro di Bario Lago Heights a pasa door di e puntonan di e contrato y pa finalmente firma esaki. Click read more pa mira mas imagen di e acto di firmamento.

Den fin di siman, Bon nochi, drumi dushi, e proyecto di lesamento na cas a clausura su periodo di lesamento pa aña 2008.Prome cu tur cos, ta bon pa laga mayornan sa, cu esaki no kiermen cu e proyecto a stop. Tin mayor cu tabata presente y a puntra cu preocupacion, dicon ta para e proyecto.E organisadonan ta garantisa cu otro aña juni nan ta sigui cu e mesun entusiasmo y energia y cu lo uza e tempo aki pa evalua, prepara y busca tur medio pa mehora e proyecto.Coordinacion di e programa tabata den man di Juliet Swaen, studiante di IPA, cu a uza e experiencia aki, como parti di su curilo.E anochi aki a introduci e jingle di Bon nochi drumi dushi; Swushi mushi , un regalo di Tio Ali pa tur mucha di Aruba.

E obra cu cual Cas di Cultura ta celebra su jubileo ta jama "Mind Your Gap" cu ta un homenage na tradicionnan y custumbernan cultural di Aruba, protagonisa pa 25 artista Arubiano. E nomber "Mind Your Gap" no ta uno comun. E ta un frase combina di e expresionnan "mind your step" cu "mind the gap" cu ta expresionnan cu bo ta scucha den aeropuertonan y lugarnan cu ta transporta masanan di hende internacionalmente. E show tin e tema di viahamento aden, viaha den tempo cu bo custumbernan, arte y maleta cultural. Bo mester dicidi bo destino pa bo jega un caminda y no keda den un espacio bashi (gap). Principalmente e ultimo parti aki ta importante, yega na otro, yega na arte y cultura. Yega! "Mind your gap", tene cuenta cu e espacio entre abo y arte y cultura. Con leu bo ta para di dje? Purba Yega serca dje pa haci e espacio mas chikito.