Un concierto di Jazz. Si, ta asina mes! Den aire liber y gratis pa tur hende. Aruba ta keda cordialmente invita pa bin goza di bon musica di Jazz hunto cu amigonan, famia y bisiña. Diasabra dia 28 di april dilanti di Biblioteca Nacional Aruba na Playa pa 8’or musiconan talentoso y bon conoci lo cuminsa toca y hiba publico presente den un ambiente Jazzy y diferente.

Diahuebs anochi na La Bodega a tuma lugar e bautismo di e single cd "Pero con lubida nos Mama". Invitadonan a wordo entreteni pa Etty Toppenberg y maestro di ceremonia tawata Ruben Garcia. E cd a wordo bautisa pa e mama di Sharon den precensia di e jiu muher di Sharon Rose. Invitadonan por a disfruta tambe di un Wine & Cheese Party crioyo. Exito na Sharon!

Stichting Ateliers’89 , Academia de Bellas Artes Aruba ta anuncia su workshop di Arte pa  luna di April 23 te cu 17 Mei 2007. E lo tuma lugar na ex - MAO school, cu ta patras di antes yama San Pedro Hospital na Playa. Manera den pasado lo mantene e forma tradicional di Ateliers'89 cu 2 workshop paralelo cada luna. Click pa mas informacion.

KidDocs lo ta na Aruba atrobe, e aña aki den siman di 17 pa 21 di September 2007. Un biaha mas lo tin presentacion di documentario pa mucha y hoben na scolnan y tin presentacion na Seaport Cinemas tambe. Aña pasa tabata tin workshop pa hoben riba programa, caminda por a siña ‘Con ta traha bo mes documentario’, y ‘Con bo ta entrevista un persona’ den oranan despues di merdia na biblioteca.