|
|
|
| Extras | ||||||
|---|---|---|---|---|---|---|
|
|
|
|
| Bookmark Us |
|---|
 |
| Latest Photo Ads |
|---|
 Ta bende Mazda RX7  Car For Sale  Trailer for sale  Sport Watch (with pu  Kia Rio 2004 |
|
|
| Otmar Oduber ta felicita su coleganan di partido cu tremendo actividadnan Pariba di Brug |
|
|
| Monday, 29 June 2009 - 16:57 | ||||||||||
|
Diadomingo Desiree Croes, Clarisca Velasquez y Donny Rasmijn a organiza un dia di famia na Cas di Partido Pos Chikito y Mike de Meza a organiza un BBQ na San Nicolas. Sin duda algun e dos actividadnan a resulta di ta un exito total caminda tur candidato di partido AVP tabata presente tur dos banda y careteranan di Aruba tabata parse un lama berde berde mirando e cantidad di autonan cu banderanan y stickernan cu tabata circula rond pa acudi na e actividadnan aki. Otmar Oduber tambe tabata presente cu su team caminda el a probecha pa conversa cu hopi di esnan presente, pero tambe a probecha pa felicita su colega y amigonan pa e tremendo actividadnan organiza. Esaki ta solamente un parti di loke e maquinaria berde lo bin cune, naturalmente sosteni pa henter nos pueblo cu ta mira cu AVP ta e solucion pa hiba Aruba riba e caminda di progreso pa un y tur. MEP ta keda insisti cu ta alrededor di 800 persona so no tin trabou aki na Aruba
Sea gaña nan kier sigui
gaña pueblo of no ta compronde e materia Manera ta conoci, actualmente nos pais ta conta cu alrededor di 5.000 persona sin trabou. Di otro banda partido MEP ta keda insisti cu na e momentonan aki ta alrededor di 800 persona so no tin trabou. Ami no sa si MEP no ta compronde e materia y consecuentemente no sa con pa interpreta cifranan relaciona cu desempleo, of si e partido ta djis haci manera cu nan no ta compronde pa asina nan por keda ripiti un mentira keriendo cu a lo largo pueblo ta bay kere nan mentira. Pesey mes ta importante pa splica e discrepancia cu tin entre di un banda e cantidad di 5.000 hende desemplea y di otro banda e cifra eroneo di 800 persona cu MEP ta menciona. Na fin di 2007 y cuminsamento di 2008 Oficina Central di Estadistica a haci un “Labor Force Survey” (LFS). For di esaki a sali afor cu e tempo ey tabatin alrededor di 3.100 persona desemplea. Den e LFS a usa e definicion di desempleado di International Labour Organization (ILO) pa asina por compara e datonan di desempleo di Aruba cu otro paisnan. Segun e definicion di ILO, cualkier persona di 15 aña of mas por ser considera di ta desemplea si e no tabata emplea den e periodo di referencia y si e tabata buscando activamente trabou den e luna prome cu e encuesta. E cantidad di tempo dedica na busca trabou no ta relevante. Ademas e persona mester por cuminsa traha den 2 siman si e haya trabou. No ta necesario e intermediacion di un agencia di trabou of un instituto local ora di busca trabou. Segun e “Annual Statistical Digest 2008” di Banco Central di Aruba na fin di 2008 6,8% di nos poblacion laboral tabata desemplea. Saliendo di un poblacion laboral di 54.500 persona, esey ta nifica cu segun Banco Central na fin di 2008 tabatin alrededor di 3.700 persona sin trabou. Aunke e cifra di desempleo di Banco Central no ta basa riba e definicion di ILO, e cifra aki di 3.700 ta duna un indicacion si di e cantidad di desempleadonan segun e definicion di ILO, mirando cu na 2008 nos Producto Domestico Bruto (PDB) real (ahusta pa inflacion) a baha cu 1,6%, lo cual ta nifica cu aña pasa nos pais a conoce un crecemento negativo di PDB. Esaki kiermen cu na 2008 envez cu nos economia a crece bira mas grandi nos economia a encoge y bira mas chikito, compara cu e aña anterior. Normalmente crecemento negativo di PDB ta bay man den man cu aumento di desempleo y no tin ningun motibo pa asumi cu esaki no tabata e caso na 2008. Y mirando cu nos economia a sigui deteriora durante aña 2009, ta wordo calcula cu na e momentonan aki e cantidad di desempleadonan, segun e definicion di ILO, ta mas o menos 5.000 persona. Ora partido MEP ta menciona cu actualmente lo tin solamente 800 persona desemplea, nan ta refiriendo na e cantidad di personanan cu ta registra na Job Center. Pero loke partido MEP pa ignorancia of conveniencia politico no ta menciona ta cu e cifra aki ta refleha solamente e cantidad di desempleadonan cu na e momentonan ta registra na Job Center como tal. E unico conclusion valido cu por saca a base di e cantidad di registracionnan na Job Center ta, cu ta solamente 16% di e desempleadonan (1 di cada 6) ta registra actualmente na Job Center. Y manera menciona caba, segun e definicion di ILO ora di busca trabou no ta necesario e intermediacion di un agencia di trabou of un instituto local manera Job Center pa e persona por wordo considera un desempleado. Obviamente e gran mayoria di nos conciudadanonan cu perde trabou y cu ta desemplea segun e definicion di ILO no tin confiansa den e gobierno actual. Nan no ta wak perspectiva cu e gobierno aki por ofrece nan un mihor porvenir y pues nan no ta inscribi nan mes tampoco na Job Center. Si como gobierno bo no ta dispone di cifranan confiabel y actualisa di desempleo, dificilmente bo por hiba un maneho economico y laboral responsabel y efectivo. Cu e meta aki den mente na diferente ocasion tanto Oficina Central di Estadistica como tambe Banco Central a conseha gobierno pa tur aña ehecuta e LFS, cu ta costa Afl. 200 mil. Pero gobierno ta prefera di paga Afl. 400 mil na ruman di prome ministro envez di pone e suma aki disponibel pa e LFS por tuma lugar anualmente.
Comentarionan (30)
  Scirbi pa Sombra, June 29, 2009
Lama?
1, 2, 3, un 10 auto ami ta mira, anto mayoria ta auto di e cantidatonan mes. Lama no ta nada, Tsunami boso lo bai mira dia 25 di September keda pendiente! reserva un cardiologo priva.
Scirbi pa Nel4life, June 29, 2009
otje keda core pariba pabou mes si bo kier. Dia 25 di september bo lo corre di berdad. E kos na pos chiquito ey twt ewoon weg un fracaso. Ta boso manera boso mal costumber di ganya boso mes y corre cu parada bai ariba. Pika pa boso. Jammer cu boso no a bai support boso colega di partido 'Palo di Basor" cu apertura di su office. Multitud twt tin diasabra na Nel. Boso no a, ni lo saborea hamas di ta grandi.
Scirbi pa shidaharaka, June 29, 2009
Envidia boso tin, boso no ta compronde cu tur hende kier pa boso bay pa caba. Nos ta fada di boso abuso y corrupcion. 25 di september ta den laken boso lo drama boso lagrimanan. Ayoo pa semper Mep ladron di pueblo.
Scirbi pa Good Persons, June 29, 2009
nan mes ta para stroba trafico anto despues bisa cu e trafico a pega na pos chikito. Ayno Otmar awor cu Bodygaurd pelon bandi bo!!! Ken kier haci bo algo of mihor bisa susha nan man cu cos berde. E bodyguard ta great core bandi e guy mafioso ey, wak bo cobra prome cu 25 September, pasobra AVP debe ainda esunnan cu a perde sonjo repartiendo caha di sushi pa parada grandi. Otro cos Awor pasa inscribi pa traha na cuida mucha na Oficina di PUMA puntra cuanto ta paga rararara No por bisa cuanto ta PAGA of mihor bisa NO TA PAGA. Burico traha pa CABAI COME!!! BOSO ta UN STEL DI DEDE LARGO PA NO USA OTRO PALABRA!!!!
Scirbi pa idealista, June 29, 2009
Ami personalmente no ta kere den haci buya y mustra forsa cu parada etc. Ami ta kere mas den dialogo politico na unda candidatonan di partidonan contincante ta debati cu otro a base di argumento. Den tal sentido mi ta haya e artic*lo di Otmar over di desempleo un tremendo artic*lo. E conclusion cu tin 5.000 persona ta basa riba un analisis di cifranan di instancianan cu hopi credebilidad manera Banco Central y Oficina Central di Estadistica. Ohala e politiconan di MEP tambe por mustra un nivel halto asina di hiba politica.
Scirbi pa BE MY GUEST, June 29, 2009
Pueblo di aruba cuida boso cartera paso ladronnan a subi caya....Anto ainda nan tin cuero di cara di mustra PEACE hahahahahaha burlamento tin den cara di pueblo!!!
Scirbi pa MzE, June 29, 2009
Btw boso ta kere cu Aruba a lubida e fondo di desaroyo? Cu boso kier a bende e oro nan di Aruba? Cu boso a laga centrale bank bashi? cu boso a traha h0o0o0opi proyecto!? Spera un dia boso tin Aruba na curason pero sincero..No boso sako..
Scirbi pa chuc*lele, June 29, 2009
llama berde sushi, che e lo ta hole bon stinki. cu 150 auto bo no tin ni 1 aiento ainda . stop di haci druk cu un paar di auto y mayoria di e hende nan ta stranhero nan cu no por vota, y ta core den e parada pa haci hopi. ta kens boso a kere cu anos di mep ta??? weita pa dia cu mep sali cu di dje anto e ora nos por papia no di lama , pero di oceano mes.
Scirbi pa awor, June 29, 2009
pa tradicion avp ta gana mep su termino di goberna a caba..........
Scirbi pa juwana, June 30, 2009
Ohala berdad nos por hiba un debate politico na nivel. cu estadisticanan, cu cifra sin ofende hende....pero jammer cu MEP mester sconde tras di un cortina di huma pa nan cu nan ta jama AVP....asina Mugabe ta blame Europa cu nan tin hamber,Kim Yong il di Korea ta blame merca cu su pais no ta bai bon.nunca ta nan mes.Mi sa cu AVp a horta delaster un pali coco i computer, pero e salario barbaro di kenky, marketing di Lotto na jiu di ramon,dokter stranhero di booshi,BBO,marisol gate Sigur tambe ta c*lpa di AVP.nivel di politica na Aruba ta diep triest om.
Scirbi pa pachi, June 30, 2009
boso no lubida kiko nan a hasi cu fondo desaroyo sanicolaas nunca. dede largo nan . ajooooooooooooo
Scirbi pa Brenda, June 30, 2009
E meta di core traha un parada diadomingo cu a pasa, ta paso nan evenemento no a baj di e bon ej.Pero loke ta mas alarmante ta,cu nan a sali provoka e hendenan di MERVIN para banda di caminda ta bende rifa.AVP BOSO TA BEZIG CU UN CAMPANJA PROVOKATIVO,BOSO TA BUSKA PROBLEMA CU HENDENAN DI MEP.Y PA STRANJA CU TA POLIS NO TA KIBRA E PARADA DI AVP NUNKA,PERO DI MEP SI.KORPSSHEF HOUD REKENING MEE,DAT ER PROBLEMEN KUNNEN KOMEN MET DEZE GEDRAG VAN AVP.No bin bisa despues cu ta hende di MEP NAN TA BUSKA PROBLEMA ARIBA CAJA.AVP BOSO HIBA UN CAMPANJA SIN VIOLENCIA.BO POR PAPIA LOKE BO KIER,PERO E GEDRAG PROVOKATIVO DI BOSO,LO TRESE PROBLEMANAN GRANDI DEN ELECTION AKI.SEMPER BOSO TA BIN PROVOKA DEN EVENEMENTONAN DI MEP CU BOSO HENDENAN.NO HASIE,TA PELIGROSO PA TUR HENDE INOSENTE CU TA BIN DISFRUTA DI NAN PARTIDO.
Scirbi pa aruba pilot, June 30, 2009
Tur hende ta papia di fondo desarrollo san nicolas esey ta e mentalidad di e mepistanan semper cu nan papia algo nan ta papia di pasado nunca nan ta papia di futuro,no lubida cu e caso a bay corte y Otmar a sali liber di tur acusacion,zo ta ki coy loco boso ta papia anto e caso aki ta sera,di otro banda e actividad cu tawata tin den dakota di MEP no ta di compara cu esun di AVP ami mes a pasa ey banda poco hende pero nada di spanta,pueblo si a spanta cu nos parada y esey cu mayoria no tawata ni sa cu tawata tin parada,easki ta e comienzo tin mucho mas pa bin.
Scirbi pa Mom, June 30, 2009
E luga no tawata tin hende mes,banda ta toka saboroso pero pa palo di bandera i e paar di e miembro di comishon cu tawata cana rond manera galinia sin cabez,ta despues cu na Sta Cruz na Kock su luga tawata tin 8 auto,otmar a sali cu su 16 auto,i e otro di mike tawata tin 12 auto i e resto nan su tras tawata Latino cu ta wordo paga cu auto i sticker anto nan a topa na Sta Cruz manera semper STRATEGIA di avp anto dje nan a bay Pos chikito,pa depues nan bay na mike de meza,cu porcierto tawata tin hende pero RIBA CAMINDA STROBANDO TRAFICO PA SIGI atrobe otro STRATEGIA anto pa bisa despues cu trafico tawata stagna BULL,avp tur esunan cu bo ta hungando cu nan SENTIMENTO ta bira back pabo no wory,cu palo di bandera no ta vota,i ni cuanto BEBIDA OF RUMSHOP bo pone habri pa hende bin bebe lo no judabo,FOEIIIII
Scirbi pa MT, June 30, 2009
Awor na tur hende cu ta vota pa AVP vooral esunan di pariba di Brug, Puntra boso mes ta kiko AVP a jega di hasi pa Pariba di Brug???? Nada nada nada, nunka boso a jega di hasi nada pa nos aki riba. Danki Dios cu 4 anja pasa nos wowo a habri y nos a vota pa e gobierno actual. Awor nos ta goza di un caretera nobo nobo, un bushalte na ordo di dia, un tremendo Medical Central, tambe ta bai bin un cas pa ancianonan. Y hopi anja pasanan MEP a traha e casnan di pueblo sino ainda nos hendenan ta biba den un village traha di tabla y zink bieuw. Pasobra pa AVP nos hendenan no mester di cas di bloki, mescos cu awor nan ta manda nos muchanan bai hunga cu baseball cu palo di basora y bal adi meja. Cuidadanan di Pos Chiquito, Savaneta, Cura Cabai y Sanicolas pa duna Cesar loke ta di Cesar ban vota pa e unico partido cu a corda riba nos. MEP
Scirbi pa MT, June 30, 2009
Aruba Pilot::: O.J. Simpson tambe a sali liber. Bo ta kere cu e tawata inocente?????? Dios si sa y un dia tur cos lo sali na kla.
Scirbi pa aruba pilot, June 30, 2009
tanten ku no tin prueba bo no por of miho bisa bo no mag di tira c*lpa riba un hende,esey ta un hecho castigabel pa ley,awo ban wak cuanto ta bai cai den MEP ora hulanda cuminsa investiga,mi ta lagabo sa MT...........
Scirbi pa chandrika moondi, June 30, 2009
Semper tabata un regla di CPA cu no ta permiti tipo di paradanan asina y pa colmo 3 luna prome cu eleccion. Kiko a pasa, ta cambia a cambia e maneho di hopi anja cu semper a traha bon. E meta tabata pa foi tempran evita confrontacionnan inecesario riba caminda publico. AVP tabata tin permit??? E Rule of Law mester worde aplica pa nan tur. Asina bo cuminsa tolera como autoridat cu un partido ta haciele contra tur regla, bo ta hinka bo mes den un callejon sin salida, ya cu ki cara bo ta bai stop e otro partidonan cu tambe kier haciele. Kom op korpschef, bin un tiki den publicidat, stop di papia bunita y splika un y tur cla y raspa kiko e maneho ta e anja aki prome cu ta laat.
Scirbi pa iguana, June 30, 2009
Mas grandi AVP ta bira, mas miedo mi ta wak den e comentarionan aki. Hende, bay pone bo energia den purba di drecha MEP enbes di critica AVP.
Scirbi pa aruba ta berde di mes, June 30, 2009
shonan na aruba no tin hende bobo ta bril di palo nan tin bisti
Scirbi pa chuc*lele, June 30, 2009
aruba pilot ay ta pika ta bo ta kere otmar, ela sali liber pero e mester traha tanto ora pa comunidad, anto kiko esey ta anto???? no ta otmar oduber ta c*lpabel di fondo desarollo, pero ta un tal otmar ta c*lpabel di hortamento di plaka.WAW e race track na S.N. ta hopi bunita. un projecto millonario. kidow bo no hanja un sorpresa di bo bida!!!!!!
Scirbi pa chuc*lele, June 30, 2009
mep lo drecha di bon pa mihor, pero avp lo bira mas grandi den horta plaka di pueblo!!!!!
Scirbi pa SALUD DIMES!, July 01, 2009
Pariba di brug y e bbq di PosChikito tawata tremendo, pabien!
Diaranzon nos tur ban Noord: Dr.Roy Martina " Prevencion den Salud" Rio Berde Noord 1 di juli, 7:00 p.m.
Scirbi pa acer, July 01, 2009
@nel4life minsa ta ki miedo bo tin kada biaha ku sr otmar oduber bin den picture bo tin commentarionan negativo ta sali for di bo boka segun mi ta bo mente ta swak of bo tin verkalking djies keda trankilo september sr otmar oduber ku e prestigioso partido di pueblo arubano berde di mes lo bai drenta gobierno pa salbaguardia aruba di un desastre mas malo aruba no por ta mira cuanto joyriding tin actualmente, crimen ,ladronicia, negoshinan ta serando nan portanan, chollersnan ta kabando ku oranjestad, bbo ku ta hasiendo carteranan di nos humilde pueblo d**or, klm a bandona aruba, valero ta serando mi kiermen di kiko mas negativo , awor si ta bril di palo bo tin bistir ya esij si ta un bril nobo berde mester bai kumpra, ta unico kos ku mep a hasi ta basha asfalt pa loko ku ta un must pasobra ta hopi belasting kada un y tur ta paga pa tin bon careteranan.
Scirbi pa berde berde, July 01, 2009
Pa chandrika moondi: No tira c*lpa riba CPA tira c*lpa riba gobierno,ta nan ta decidi, si nan no bisa nada ,CPA no por hasi nada,eynan bo ta ripara cu gobierno no ta worry cu cosnan asina,si nan no por controla ladronicia di cas di auto di negoshi,abo ta kere nan por bai controla un parada politico? e gobierno aki no ta worry kiko pasa cu mi of cu bo tanten nada pasa nan ta ok,ta nan cu nan, e pueblo nan no ta worry mes cu ne,nan saco ta mas importante cu abo of ami y henter Aruba, be wise vota conciente no laga nan sigui trapa riba nos.
Scirbi pa vane, July 01, 2009
Nos lo tey sigur pasobra Salud ta prioridad pa tur e habitantenan di Aruba y nos sa cu Dr. Visser tin esey na pecho.Pabien Avp cu candidatonan manera Dr> Visser asina Aruba sigur lo bay dilanti
Scirbi pa BANPLAT, July 05, 2009
Incredible con nos hendenan di nos dushi Aruba por para pleita ku otro pa partido. Pueblo, Spierta, Berde y geel y tur otro color ta haribo,pasobra uiteindelijk ta nan ta esun nan ku lo sigui goza di e beneficionan (sea komo parlamentario of minister), sin ku nan ta worry ni ku nos dushi pais y ni ku bosonan. viahe, auto, mas plaka, yate, restaurants, salario y pensioen, mansion na aua y den exterior, studio pa jui y famia cerca, etc..
Nan tur tin e mesun lema y doel. "Pa nos eigen benefit" . si bo kier hurt e politiconan, just laga nan hunga nan wega di color nan so. No bai nan actividadnan yen di color. Pasa un dia asina na lama ku bo familia y of sali ku bo casa , bo partner of un real friend. keremi ku esey ta hopi mas dushi.. 
Duna Comentario
Bo mester log in (miembro )pa por comenta.Por fabor traha un account si bo no ta miembro ainda.
|
||||||||||
| Tempo | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||||||
|
|
|
|
| Newsletter |
|---|
|
Subscribe to this comment's feed
Mustra/Kita comentarionan
Mustra/Kita e formulario di comentario
Valero Energy Corp.'s first-quarter net income rose 18% as lower costs offset declining demand for refined products.
But with demand expected to come back only fitfully, the largest refiner in the U.S. cut its plans for capital spending. The company also said it would consider buying assets because oil refinery prices are so low.
Mientras na Aruba si keir bende cara