Entrante dia 1 di july 2009, Setar ta pasa e servicio di telegram pa Post Aruba N.V.  Esaki ta loke gerencia di tanto Post Aruba y Setar a acorda recientemente cu otro. Manera ta conoci e servicio di telegram ta uno cu desde comienso di telecomunicacion a hunga un rol importante den e comunicación hunto cu e telefoon. Apesar di tin varios otro medionan moderno di comunica, ainda ta usa e telegram como un medio special pa comunica felicitacion, condolencia of pa manda informacion serio y legal pa otro. Click lesa mas pa mas informacion.

SETAR a dicidi cu e servicio di Telegram no ta forma parti di su core Business mas y Postkantoor ta full equipa pa sigui cu e servicio, cu ta mas serca di nan specialismo como reparticion.

Post Aruba N.V. Den su formato nobo ta yama un bonbini na e servicio extra aki cu lo forma parti di nan portafolio nobo, hunto cu esun di carta, flyers y paketenan for di exterior y pa exterior, E-Post, Post Shop, entre otronan.

Manera ta conoci Post Aruba N.V. a bira privatisa na 2005. Debi na e status nobo aki, e meta principal di  Post Aruba ta pa bira un compania integra, no unicamente den entrega di carta, flyers of cahanan, pero tambe pa ofrece un variedad mas amplio di servicionan y productonan nobo. Mientras tanto fortificando asina un rol importante den tur loke ta necesario den comunicacion na Aruba. Un di e metanan ta pa hisa e eficiencia di tur e procesonan operacional y crea e oportunidadnan nobo pa lansa servicionan nobo cu standardnan halto internacionalmente. 

E number di telefoon pa order un telegram ta keda 124, pero tambe por order telegram na cualkier oficina di Post Aruba. Personal di Post Aruba lo atende tur peticion tanto telefonicamente via 124 como personalmente na bali di Post Aruba NV.

Comentarionan (5)

Subscribe to this comment's feed

Mustra/Kita comentarionan

...
Scirbi pa Djodjo, June 30, 2009

Oh, my God. Ta cuanto dia nos mester warda awor riba un telegram? Un carta di Oranjestad pa San Nicolas ta tarda 1 luna pa e yega. Un carta di Hulanda pa Aruba ta tarda 2 pa 3 luna. Tin ora e cartanan no ta yega mes!

• 
• +0
• 
• 

...
Scirbi pa M.R, June 30, 2009

Ta ken ta huza telegram den e tempo moderno aki ainda?

• 
• +0
• 
• 

...
Scirbi pa Tamara, June 30, 2009

I will stick to my emails..cheez! No more comments...LOL

• 
• +0
• 
• 

...
Scirbi pa Buchi Pluma, June 30, 2009

Cu e servicio di post na Aruba ta malisimo ta un hecho, especialmente partimento di carta. Gobierno no tabata por a maneha Postkantoor mas te cu a dicidi di lanta Post Aruba N.V. A manda busca un macamba te for di Hulanda, manera un cos cu na Aruba mes no tin ningun hende capacita pa e puesto di director. Pa colmo a resulta cu e servicio a bira peor cu e tabata promer cu ela bira N.V. Un director cu no por papia papiamento y un relacionista publico cu no por papia papiamento drechi. Hopi trahador sin disciplina pa traha; Post Aruba N.V. ta faya tanto contra e clientenan cu ta paga pa manda nan cartanan como contra e pueblo cu mester ricibi e cartanan. Algo mester wordo haci cu e Pest Aruba N.V. aki, y pronto! Un tarea, kizas, pa e Gobierno nobo???

• 
• +0
• 
• 

...
Scirbi pa Taurus, July 01, 2009

Pa boso informacion telegram actualmente ta wordo manda solamente pa condolencia y tambe pa e mal pagadonan. Voor de rest mayoria hende ta hasiendo uso di email. Danki Dios cu Aruba tambe ta avansa pero no mester descarta cu den cierto circumstancianan bo mester hasi uso di un telegram y te hasta di un telexmachine (p.e. Oficiina di Gobernador: pa e parti oficial).

• 
• +0
• 
• 

Mustra/Kita e formulario di comentario