Aruba Toursim Authority ta presentando hunto cu un grupo hopi entunsiasma un competencia di video. E competencia aki jama Tesoronan di Aruba. Click lesa mas pa tur detayes.

Descripsion:

Un competencia di video pa enrikese Aruba su website oficial  www.aruba.com      

Objectivo:

Explora y captura aspectonan unico di nos isla cu normalmente no ta wordo propaganda, manera aspectonan di Divertishon, Artistico y Cultural, y di e Naturalesa, cu ta captura pa medio di e bista y for di e sentimentonan di e curasonan di nos Arubianonan mes. Particularmente imagenan unico considera como “Tesoronan di Aruba”. Na e mesun momento, dunando e comunidad Arubiano e oportunidad pa experiencia nan isla for di un bista diferente.

Kende por participa:

E competencia aki ta habri pa henter e publico di Aruba, di tur edad, es decir cualkier persona cu tin un videocamera digital na su disposicion.

Categorianan:

Hubenil: 10 – 17 anja

Adulto: 18+ anja

Periodo:

E competencia aki lo inicia dia 1 di juli proximo y lo culmina dia 31 di augustus 2009 (Periodo di Entrega). Tur material ricibi durante e competencia lo bira automáticamente propiedad di Aruba Tourism Authority y lo tin tur derecho reserva di e material. Tur informasion tocante e registrasion como tambe e premionan ta inclui den e Reglanan Oficial di e competencia. Na momento cu bo registra den e competencia, automaticamente bo ta bay di acuerdo cu tur reglamento y demandanan stipula den e Reglanan Oficial y mester atene nan mes na tur e rekisitonan menciona den e Reglanan Oficial di e competencia.

Temanan di video: 

Divertishon: deporte, actividadnan, bida nocturno.

Arte y Cultura: baile, música, pintura, evenementonan cultural, nos hendenan, culinario.

Naturalesa: paisajenan, flora y fauna.

Con pa registra na e competencia:

Tur participante ta permiti solamente un video pa cada tema. Tur registrasion mester cumpli cu e siguiente requisito pa por participa:

• Download y completa e documento di registrasion. Entrega e documento di regitrasion, Afls 10,- (esaki ta cubri e workshop) y bo video(nan) digital riba un DVD na e oficina di ATA. E formulario di aplicasion mester ta completamente yena pa por participa.

·         E participante mes, mester ta e productor di e video(nan) y tur su contenido esta audio, video y imagenan. Na momento di e registrasion, e participante mester ta na altura y confirma cu e video(nan) entrega a wordo produci originalmente pa su persona y cu ningun otro persona tin e derecho, titulo, exigencia of interes den e video(nan) entrega. Den e caso cu e video ta inclui audio, imagenan, y/of actuación di un otro persona, e participante mester bin un documento skirbi (waiver, obtenible riba www.aruba.com) unda ta ilustra cu e persona aki ta duna e participante tur derechonan riba su audio, imagenan, y/of actuasion y ta renuncia riba cualquier tipo di pago of contribusion for di ATA. Den e caso e persona aki ta un mucha of menor di edad, mester inclui e informasion di e pariente of voogd na momento cu e video aki wordo escohi.

• Tur video mester conta cu e siguiente specificacion:
  • Tur video cu wordo entrega mester ta den formato digital.
  • Tur video mester tin un durasion di no menos cu trinta(30) segundo y no mas cu dos(2) minuut.
  • Formatonan di e video ta inclui: avi, divx, dv, mov, mp4, mpeg, y mpg.
  • Videonan mester mustra tecnica excelente, originalidad como tambe creatividad artistico.
• No ta permiti ningun video obseno, provocativo of cu no ta cuadra cu e objetivo di e competencia, esaki lo ta solamente na e discrepacia di ATA.
• Tur registro den e diferente catgorianan di tema lo wordo huzga, di acuerdo cu e definision di e criteria di e hurado defini abow.
• Ta limita na solamente un aplicasion pa persona den cada categoría di tema.

Premionan:

Premio Grandi: Apple Macintosh “Mac Book Pro” 

1^st 2^nd 3^rd Premio pa cada tema: Handy cams, iPods, Hotel Stays, Sailing Trips & mas.

Criteria:

• E competencia ta consisti di dos (2) ronda di evaluacion.
• Un panel di hurado consistiendo di diferente productornan y artistanan den nos comunidad lo evalua e diferente aplicasionan ariba e sigiente criteria:
  • Mensage claro riba e tópico principal “Tesoronan di Aruba”
  • Impacto en general
  • Originalidad
  • Creatividad
• E decision di e hurado lo ser tuma ariba of alrededor di dia 5 di September, 2009.
• E decision di e patocinador y hurado lo ta e decision final y comprometi.

Tip: E videonan ganador mester ilustra un combinasion fuerte di e diferente exigencia nan cu ATA y e huradonan ta buskando den e video. Esaki ta inclui e calidad di e sonido y e luz, contenido cu ta capta atension, composicion como tambe e demas elementonan exigi pa e competencia. 

Workshop:

E wokshop lo tuma luga dos siman despues di e dia di lanzamento (July 1^st, 2009). Mr. Ryan Oduber  di Sve.tv lo presenta e topiconan, lo cual ta inclui e siguiente:

Conceptualisacion: basicamente ta e concepto of tema di e video. E les lo inclui con pa bin cu e concepto di e video, con pa trece esaki dilanti, y purba di laga un impacto cune.

Story Board: e ta un serie di imagenan den un secuencia cu e proposito di pre-visualisa e ordo di e video. Participantenan lo wordo sinja pa desaroya nan story board pa imagina e diferente shots y escenanan di nan video.

Camera: Participantenan lo wordo sinja con pa traha cu un camara, e diferente tipo di camara, con, dikon, y ki ora pa usa un tripode, y e diferente teknica y specificasionan ora di graba un video, etc.

Edision: edision ta unda e participantenan lo wordo sinja con pa edita/cambia e segmentonan di e footage di e video. Les ta inclui importasion di e video for di e camera na un computer y con pa traha cu e programa(nan) pa edita video.

Patrocinador pa e competencia:

Cada patrocinador lo wordo menciona den tur comunicado di prensa, un link directo cu aruba.com y mas importante, lo contribui positivamente cu Aruba su turismo.

Patrocinadornan ta inclui y no ta limita na:

Diario                          Aruba Daily

Magic 96.5FM             Boolchands

Paseo Herencia           Mr. Jazz Restaurant

Bon Dia                       Sve.tv

Si bo ta interesa di ta un patrocinador, tuma contacto cu:

Paula Ochoa This e-mail address is being protected from spam bots, you need JavaScript enabled to view it / Carlos Terranova This e-mail address is being protected from spam bots, you need JavaScript enabled to view it

REGLANAN OFICIAL Y RESTRISION

Na momento cu bo entrega bo aplicasion di participasion, bo ta bay completamente di acuerdo y ta  acepta  tur regla oficial como tambe cualkier decision di ATA, cual ta definitivo y concreto.

Ningun aplicasion lo wordo debolbi. Na momento cu bo entrega bo video(nan), Aruba Tourism Authority tin tur derecho pa keda cu bo video(nan) conjuntamente cu bo nomber ariba e website  - www.aruba.com - of den cualkier otro material promotional di ATA sin ningun deber financiero cu bo mes of cu otro persona envolví den e produsion di e video(nan).

Tur video entrega mester ta saka na Aruba.  

E participante mes, mester ta e productor di e video(nan) y tur su contenido esta audio, video y imagenan. Na momento di e registrasion, e participante mester ta na altura y confirma cu e video(nan) entrega a wordo produci originalmente pa su persona y cu ningun otro persona tin e derecho, titulo, exigencia of interes den e video(nan) entrega. Den e caso cu e video ta inclui audio, imagenan, y/of actuasion di un otro persona, e participante mester bin un documento skirbi (waiver) unda ta ilustra cu e persona ei ta duna e participante tur derechonan riba su audio, imagenan, y/of actuasion y ta renuncia riba cualquier tipo di pago of contribusion for di ATA. Den e caso e persona aki ta un mucha of menor di edad, mester inclui e informasion di e pariente of voogd na momento cu e video aki wordo escohi.

No ta permiti ningun empleado di Aruba Tourism Authority pa participa den e competencia.

Comentarionan (0)

Subscribe to this comment's feed

Mustra/Kita comentarionan

Mustra/Kita e formulario di comentario