|
Diabierna awor ta dia ocupa den Corte |
|
|
|
Tuesday, 30 June 2009 - 11:55 |
|
Corte den Prome Instancia lo tin un dia basta ocupa diabierna awor, debi na un cantidad di casonan cu sigur lo hala hopi atencion den comunidad. E casonan aki tur ta casonan penal cu Ministerio Publico a entama contra e sospechosonan. Click lesa mas pa mas info...
Tin di e
sospechosonan cu ta deteni y lo mester bin for di KIA pa atende e caso
mientras cu tin algun di nan cu ya ta den libertad caba pero cu lo
mester presenta na Corte pa scucha di Fiscal e acusacionnan cu tin den
nan contra y na mes momento tende di Hues con elo sentencia nan pa cu e
acusacionnan aki. E agenda di diabierna awor ta varia entre casonan di
ladronicia, intento di asesinato, menasa cu arma di candela, extorsion,
posecion illegal di droga y hasta tin un caso lamentable di abuso
sexual cometi cu un menor di edad. Keda pendiente pa un cobertura
complete di e casonan aki di Corte di e siman aki. Pa mas informacion,
lesa e agenda di Corte.
08.15 - E acusado J.C.C. ta wordo acusa di ladronicia di un tas cu placa di un persona riba 25 di Maart 2009. Pro forma.
08.15 - J.A.M. ta wordo acusa di ladronicia den un cas di un of mas
laptop y otro pertenencianan di un persona riba 16 di Maart 2009.
Alavez e ta wordo acusa di ladronicia den un cas di pertenencianan di
un persona riba 22 di Maart 2009. E ta wordo acusa di ladronicia di
pertencianan den e mes cas ey di un otro persona riba 22 di Maart 2009
y e ta wordo acusa di ladronicia di placa y mas pertenencia di un di
tres persona den e cas riba e mes dia ey. Pro forma.
08.15 - E.R.K. ta wordo acusa di, cu e intencion pa tuma bida di un
persona, hinca e persona ey cu un cuchio den su frenta, nanishi y braza
riba 15 di Maart 2009. Pro forma.
08.15 - R.M.S. ta wordo acusa di ladronicia den un cas di un of mas dvd
player y otro pertenencianan di un persona den e periodo di 22 pa 23 di
Maart 2009. Pro forma.
08.30 - D.H.O. y J.C.C.T. ta wordo acusa di, cu e meta di enrikece nan
mes, door di violencia y/of menaza di violencia, obliga famia di un
difunto pa entrega un suma di 250.000 Dollar den e periodo di 27 di
Februari 2009 te 11 di Maart 2009.
09.30 - J.A.B. ta wordo acusa di posesion di cocaina riba 22 di Maart 2009.
10.00 - A.P. ta wordo acusa di a comete actonan sexual cu un persona cu
e tempo ey no tabata tin 12 aña ainda riba 22 di Maart 2009.
10:45 - V.G. ta wordo acusa di posesion di cocaina riba 19 di Maart 2009.
11.15 - S.Q. ta wordo acusa di ladronicia den un cas di un telefon celular di un persona riba 16 di Maart 2009.
11.45 - R.S.R. ta wordo acusa di a menaza un persona cu un crimen
contra su bida riba 17 di Maart 2009, door di intencionalmente
menazante tuma un arma di candela y bisa e persona ey: “Abo ta prome cu
ta bay haya awe” of palabranan parecido. Tambe e ta wordo acusa di
posesion di un arma di candela y/of amunicion riba 17 di Maart 2009,
sin cu e tabatin permiso pa esaki.
|
Subscribe to this comment's feed
Mustra/Kita comentarionan
Mustra/Kita e formulario di comentario
