Nos pais ta den crisis. Un crisis cu ta afectando tur sector y tur aspecto di nos sociedad. Segun cifranan di Servicio di Impuesto den e promer 5 lunanan di 2009 BBO a genera Afl. 4,8 miyon (esta 6,8%) menos entrada pa gobierno compara cu e mesun periodo na 2008. Desde januari te cu mei 2009 entradanan di gobierno for di derechonan di importacion (invoerrechten) a baha cu Afl. 9,3 miyon (cu ta 14,8%) compara cu e mesun periodo di aña pasa.

Mirando cu pa motibo di BBO (y su efecto cumulativo) e costonan di empresanan a subi drasticamente y teniendo cuenta tambe cu nan entrada a baha pa motibo di caida den consumo local y den turismo, e demanda pa trahador a baha sustancialmente. Cosecuentemente, e cantidad di personanan sin trabou a aumenta drasticamente. Si na fin di aña 2007, segun cifranan di Oficina Central di Estadistica, nos pais tabatin 3.100 desempleado, pa motibo di e efectonan di BBO y e circumstancianan economico desfaborabel, e cifra aki a aumenta te na alrededor di 3.700 na fin di aña 2008 segun cifranan di Banco Central, y ta ser calcula cu e cantidad di hende sin trabou a sigui aumenta te na mas o menos 5.000 persona na e momentonan aki.

Hecho ta cu entre desempleo y pobreza tin un corelacion fuerte, mirando cu un persona desemplea no por dispone di e medionan financiero pa e y su famia por biba dignamente. A base di esaki por conclui cu na e momentonan aki tin miles di persona cu ta bibando den pobreza extremo.

Pues cifranan di tur instancia oficial aki na Aruba ta confirma cu nos pais ta confrontando su peor crisis socio-economico desde ciere di LAGO na 1985. Manera ta conoci, nos economia ta basa grandemente riba turismo. Actualmente alrededor di 40 pa 50% di nos forza laboral tin empleo den sector turistico of sectornan liga cu turismo. Segun calculonan di Banco Central, rond di 75% di nos entradanan coriente for di exterior (excluyendo sector petrolero y free zone) ta procedente for di turismo, mientras cu directamente y indirectamente turismo ta genera ± 60% di nos GDP.

E dependencia economico riba turismo ta nifica cu un recuperacion socio-economico lo ta posibel solamente si nos sector turistico recupera. Pa logra stimula nos turismo, esey lo rekeri inversionnan adicional cuantioso den promocion turistico y den mehoracion di e producto “Aruba” y e calidad di servicio. Pa motibonan politico partidista e gobierno di MEP no kier admiti cu nos ta confrontando un crisis socio-economico profundo, pasobra den nan forma straño di pensa, esey lo ta igual na acepta cu nan a hiba un maneho economico desastroso. Mientras tanto partido MEP ta prefera di malgasta fondonan publico pa sigui beneficia “friends & family” y tambe den proyectonan cu nan ta kere por yuda nan cu algun voto, envez di duna prioridad na turismo. Pues atrobe MEP ta bolbe demostra cu nan propio interes ta mas importante cu interes di nos pais. E ta increible, pero nan ta laga nos pueblo keda sufri sin cu esaki ta necesario.

Comentarionan (14)

Subscribe to this comment's feed

Mustra/Kita comentarionan

...
Scirbi pa Dushi Aruba, July 02, 2009

Mundialmente turismo a bai atras y tur hende sa esey. Miora cuanto compania di avicion ta den problema grandi y cu pronto lo mester bati bancarota. Si mundialmente e hendenan no kier biaha bo no por hasi nada cu esaki ni maske cuanto placa bo hinca aden. Ta alternativanan mester busca pa por difersifica nos economia y na e momento aki turismo no ta e alternativa pa Aruba.

• 
• +0
• 
• 

...
Scirbi pa Mep 100%, July 02, 2009

Claro cu bao bo maneho si milagrosamente diripiente henter mundo lo sali for di crisis economico y for di tur cuatro windstreken nan turista lo bin na boshi biS**ta Aruba. Pasobra awor ta Aruba so falta di turista, e resto di mundo si keto bay ta haya yen di biS**ta di turista. E crisis mundial eigenlijk ta algo cu a afecta Aruba so manera un tal Otmar ta bisa. By the way, lo ta "pret" si a caso shon Otmar por a purba di bin cu algo nobo. HEY! Porta Otmar un biaha por bin cu algo manera un SOLUCION en vez di critica. Y te awe pueblo di Aruba ta keda warda ki dia prueba clave di malgasta placa publico ta yega den man di recherche of corte. Si bo propio dede tabata asina largo, bo mester por percura pa bo entrega algo, toch?

• 
• +0
• 
• 

...
Scirbi pa chuc*lele, July 02, 2009

mira otje stop di ta haci coi payaso cu bo curpa. crisis ta mundialmente y no aki so , pero si aruba su crisis ta malo ta pa fia di ken?????????? no ta cabinete eman a hinka aruba den debe astronomo, gasta di millones di plaka di pueblo pa haci fiesta ??? traha un bunita race track traha na San Nicolaas , contratistanan tawata gana un dineral pa truck di santo, mata di coco pa radisson hotel cumpra na un cantidad haltisimo di $$$$$ kisas e coco por ta di oro!!! anto bo tin cuero di cara di bin papia cu aruba ta den crisis?? bo memoria ta fayando bo , bin bij, spierta !!!!!

• 
• +0
• 
• 

...
Scirbi pa m r m too, July 02, 2009

Gobierno mester duna prioridad na produci awa y na e importacion of produccion di cuminda cu ta pagabel pa e pueblo. Lo de mas eigenlijk Gobierno por laga den man di free enterprise.
Locual Gobierno por haci, ta uza parti di e entrada di Setar pa yuda turismo, den duna sosten na e aerolineanan cu ta trece turismo nos isla.

• 
• +0
• 
• 

...
Scirbi pa c*ltura-awakati, July 02, 2009

Atrobe mi ta bolbe bisa Otmar Oduber ta kere loke e ta papia. laga mi nabo un idea Otmar. A yega tipo pa Aruba busca otro entrada cu no ta bin for di turismo. Mundialmente turismo ta kaiyendo. Bo ta korda 911 cuantu turista Aruba a perde, bo ta corda ora guera a cuminsa Irak, ora Nately Hollaway nos a perde 35% di turistmo? Turismo no ta algu sigur mas Otmar. Mi sa cu bo tin hopi gana di bira minister di turismo.

• 
• +0
• 
• 

...
Scirbi pa c*ltura-awakati, July 03, 2009

Tourismo no ta e futuru mas di Aruba. A yaga tempu pa tresa companianan internacional grandi aki na Aruba! Djis wak ora 911 tuma luga kico a pasa cu nos turismo, el a kai. Ora gera a start na contra terresmo ningun hende no kier viaha. E asunto di Nately Holloway Aruba a perde 35% di tursimo, esaki ta bisa bon cla cu nos no por sigi stens riba turismo. A yaga tempu pa laga companianan grandi bin habrinan portanan aki na Aruba, esaki ta e solucion pa e economia di Aruba!

• 
• +0
• 
• 

...
Scirbi pa Pacheco, July 03, 2009

esei si otje,pero e mester bin di laga man para y laga plaka di puebl para!

• 
• +0
• 
• 

...
Scirbi pa Mr. Politico 2009, July 03, 2009

Nos ta mucho dependiente di turismo...esaki ta un parti HOPI debil di nos pais. Mester bin un diversification den nos economia. Lo tabata great si enberdad e waf por a muda pa barcadera, pasobra eynan un sin fin di cupo di trabow lo tabata disponibel. Pero ja...ta e mesun oppositor nan cu ta grita cu economia ta malo (AVP-RED) ta esnan cu tabata contra di e projecto ey...of miho bisa...nan no tabata kier pa MEP ta e partido cu lo a logra esey! Mescos nan tabata contra BBO, ta paso no ta nan partido a introduce. Pero laga si ta AVP a gana, nan lo a pone un BBO di 12% (confirma den nan plan di partido di 2005).

• 
• +0
• 
• 

...
Scirbi pa Mom, July 04, 2009

Den bo man DIOS LIBRA,ta loko of mihor dicho mas loko bo mester a bira,ora cu un hende ta papia cu QUESTE LOKE QUESTE e ta bin pa FIX corda loke bo mes a bisa FIX bo mes anto ta cua loko lo pone nan confianza den bo,DRUMI WARDA,HIPOCRITA cu bo ta.

• 
• +0
• 
• 

...
Scirbi pa Dr Zero, July 04, 2009

Otmar, si boso (AVP) y MEP no a hinca nos den e debe actual di mas di 2.200.000.000 awe lo tin placa pa yuda esnan den necesidad. Pa esnan cu ainda no a bin bij Aruba ta paga 350.000 pa dia na Interes so, sin cu e debe ta baha un cen.

• 
• +0
• 
• 

...
Scirbi pa Mente Habri, July 04, 2009

Si muda waf pa barcadera, ta e mesun container ta bai drenta Aruba toch. Cua ta e diferencia, mas caro probablemente. Y un waf no ta trese mucho $$$$$ aden, ta nos lo tin cu bai paga mas pa un container pa friends di gobierno paga nan debe bek.
Muda waf, pa mehora trafico den playa y habri nos waterfront pa PUEBLO, no pa spec*ladornan gana placa cu condomino dilanti lamar so.

• 
• +0
• 
• 

...
Scirbi pa Brenda, July 04, 2009

OTMAR si bo ta sigi noticia international hopi di serka,lo bo sa cu debi na problemanan grandi financiero pa paisnan cu ta biS**ta ARUBA mas hopi,lo no por bin hopi mas. ARUBA ta baj dal den hopi duru,pero NO PA FALTA DI NOS GOBIERNO.Ta paso cu e hendenan no tin pa gasta hopi mas.PAIS ARUBA mester baj prepara pa baha man na luho, materialismo, salimento, come afo, credid cardnan pa loko, conciertonan, y hopi mas cos cu eigenlijk den tempo duru,no tin mester.NA ARUBA nos ta malcria, nos no ta spaar.Nos ta biba pa awe,nos no sa si tin majan. GOBIERNO MESTER ENVERTI MAS DEN AGRIc*lTURA Y PESCA Y TRESE COMPANIANAN GRANDI DI DIFERENTE ITEMS.

• 
• +0
• 
• 

...
Scirbi pa MzE, July 05, 2009

Waaaaaaaaaaaw boso tin solushon pa tuuuur cos.....Si boso twt tin aruba na pecho 8 anja pasa kisas nos por kere boso .....maske untiki

• 
• +0
• 
• 

...
Scirbi pa m r m too, July 05, 2009

Pa loke ta inversion den Waf, esaki mester ser haci cu inversion propio Arubano!
Nos wafnan ta un di e poco recurso of materia primo propio, cu Aruba a resta cu n'e, cu ainda ta di e pueblo mes.
Na San Nicolas tin un Haf, pero cu ta den man di e compania petrolero y no di e pueblo ni di inversionistanan Arubano.
E haf di Oranjestad y di Barcadera mester keda den man di e pueblo mes, of den man di inversionistanan Arubano!
Y ta Ensenjanza mester ser eleva y poni como e prome y miho solucion pa sali for di pobreza!

• 
• +0
• 
• 

Mustra/Kita e formulario di comentario