E fin di siman aki ATCO a prepara promocionnan special pa presenta na tur esnan cu pasa bishita nan booth durante e exposicion “Feria di Vivienda” organisa dor di FCCA den Centro Deportivo Betico Croes na Santa Cruz. E feria aki ta cuminsa awe diabierna y ta sigui te cu diadomingo dia 5 di Juli, 2009.  

Pa esnan cu ta den pleno construccion di nan cas of tin plannan pa renoba nan cas, ATCO a prepara un “paver floor display” pa asina e participantenan por haña un idea di con bo cura di cas lo keda unabez bo scoge pa usa e pavernan di ATCO. Solamente durante e feria ATCO lo ofrece un descuento di 10% riba e coleccion nobo di pavers. E descuento aki ta valido solamente pa clientenan residencial y ta solamente durante e feria e weekend aki. Na mes momento ATCO lo probecha pa duna demostracion di nan blokinan yama “Hollow Blocks” cu tapa cu ta resulta 14% mas economico cu e blokinan convencional. Pa clientenan cu cumpra RingBlocks, nan lo por goza di e promocion di 25 % riba compra di pallet di ringblock of cumpra 3 pallet y haya e di 4 gratis. Tambe lo duna amplio splicacion y tur informacion necesario relaciona cu nan producto nobo “Ecocrete” cu ta ganando mercado tur dia bay. Pa clientenan cu ta interesa den e servicio di pikimento di sushi residencial a base semanal, Ecotech ta cla pa duna e prome 3 lunanan gratis pa esnan cu aplica pa e servicio aki. Ecotech ta sigura cu nan ta pasa recoge sushi sin falta. Un otro servicio masha gusta ultimamente ta esun di huur toters pa ora di fiesta, actividadnan of evenementonan. Y comosifuera poco, Ecotech a introduci un prijs special pa nos grandinan ( 60 + plussers) presentando cu un ID valido. Clientenan existente di Ecotech cu ta bin na remarca pa e oferta aki mester tuma contacto cu nan oficina libremente. Di e forma aki ATCO y Ecotech ta cla pa duna informacion, descuento y tarifanan competitivo na tur cu pasa bishita nan booth e weekend aki. 

Comentarionan (0)

Subscribe to this comment's feed

Mustra/Kita comentarionan

Mustra/Kita e formulario di comentario