Un album nobo titula "Time" di e duo Close Call, cual ta consisti di e cantante Henny Groot Antink y guitarista Martin Buitenweg a debuta na Mr. Jazz, Paseo Herencia den fin di siman ultimo. E dos musicantenan a conoce otro na 2005 y a cuminsa toca na e hotelnan y restaurantnan di e isla. E colaboracion musical a concebi un CD fantastico cual a wordo introduci pa e prome durante e fin di siman ultimo.

Pa scucha algun piesa di audio y wak algun video bo por bishita: www.closecall-aruba.com. E cantante y guitarista ta raporta cu nan a tuma nan tempo pa perfecciona e musica y nan a hasta presenta algun cantica dilanto un publico en bibo na e Caribbean Sea Jazz Festival cu a tuma luga na September. E musica a wordo bon ricibi, cual a pusha nan pa conclui e introduccion di e CD. Henny y Martin a toca diez cantica na Mr. Jazz durante e fiesta di debuta, compaña pa un tremendo banda cu 8 musicante, incluyendo Jeremy Bonarriba, drums, Erik Eman, bass, Angelo Kock, piano y synth, Ricky Hernandez, percussion, y vocalistanan Mirugia de Cuba y Lucre Houtman.

E CD a wordo graba y mescla na Earthwalk Studios Aruba.

Comentarionan (0)

Subscribe to this comment's feed

Mustra/Kita comentarionan

Mustra/Kita e formulario di comentario