W.E.B. Aruba N.V. ta experencia un blackout total despues di mas cu 7 aņa.
Saturday, 04 July 2009 - 14:06
W.E.B. Aruba
N.V. ta lamenta cu despues di 7 aña nos pais ta experencia un “black out” total
cu ta pone henter e isla y incluso W.E.B. Aruba
N.V. mes den scuridad. Un “acto di naturalesa” manera a sosode ayera nochi no
por wordo evita pa ningun tecnologia. Te awor e daño ta minimo y limita na e
switchyard pero e la costa hopi pa e motibo di interupcion di suministro di
electricidad na Comunidad. Click lesa mas pa mas informacion y imagen....
Un danki special ta bay den nomber di Gerencia na tur empleado di W.E.B. Aruba N.V. cu a traha ayera nochi y te awe mainta ainda pa logra pone nos planta bek den servicio. Asina por a suministra pueblo via di N.V. ELMAR e electricidad cu ta necesario. Na compañeronan di N.V. ELMAR danki pa e bon trabou. Tambe na Prensa di Aruba cu a yuda den provee e informacion na pueblo pa nan por tabata trankil pa sa cu e situacion tabata bou di control y cu trabounan tabata desaroya na W.E.B. Aruba N.V. pa trece e situacion bek na normalidad. Ta pidi comprension di Comunidad pa e inconvinencia causa pa e interupcion aki. Pa mas of menos 8:45 ayera nochi, W.E.B. Aruba N.V. a experencia un black out total. Inmediatamente a cuminsa e investigacion pa determina e causa di esaki.
Despues cu a determina cu e fayo tabata den nos switchyard, a isola e parti aki y a cuminsa traha inmediatamente riba lanta nos instalacionnan bek den produccion. E prome mashin pa bay riba liña tabata e unidad di emergencia conoci como e “Gasturbine”. Esaki a haci posibel pa W.E.B. Aruba N.V. haya coriente interno y por cuminsa e proceso pa lanta mas instalacion. A start e motor RECIP # 4 y asina stap pa stap a sigui cu un otro RECIP pa asina por a cuminsa conecta cu e red di N.V. ELMAR. Tambe e ora por a conecta cu VALERO pa asina haya mas capasidad pa suministra na N.V. ELMAR, kende na su turno a cuminsa poco poco cu conecta partinan di Aruba bek cu coriente. Esaki tabata den curso di 2’or di marduga. W.E.B. Aruba N.V. a sigui cu e proceso cuidadoso pa pone mas unidad den servicio entre otro e Boilernan y pa mainta gran parti di Aruba tabata riba liña. Na e momentonan aki cu ta 1’or di merdia ya a start boiler # 3 y a paga e unidad di emergencia – Gasturbine y no ta haci uzo di VALERO mas, W.E.B. Aruba N.V. mes tin suficiente capacidad pa suministra nos Isla completo. E situacion a normalisa y W.E.B. Aruba N.V. tin un reserva di 22 MegaWatt.
tremendo trabou shon nan, sigui asina pone aruba plat plat. esaki ta gobierno di mep a hasie e black out aki
+0
... Scirbi pa nostrasiemens,
July 05, 2009
Un blackout di WEB despues di 7 anja. Un “acto di naturalesa” manera a sosode ayera nochi no por wordo evita pa ningun tecnologia. Wel, wel, shonan aki mi ta garabo otra bes den mentira grandi. E systema di isla of na ingles" island generation system", nunca por ta confiabel manera un systema interconnecta of " interconnected system". Esaki kiermeen un kabel di halta tension submarino cu ta interconnecta Aruba cu Venezuela of Colombia, cu por carga por ehempel 30 of 50 Megawatt. No solamente corriente hydroelectrico cumpra di nos vecinonan na mucho mas barata, e interconnection lo haci e systema electrico mucho mas confiabel y consumidor lo paga mucho menos pa KWh(kilowatthora). Pero ta sigi cumpra fuel oil y diesel pa priviligia sponsor di partidonan politico. Pueblo si boso sigi vota pa paridonan sponsor boso lo carga e brandstofclausule manera catibo riba bo lomba te ora bo muri di pobreza.
+0
... Scirbi pa realistico!,
July 05, 2009
Hom boso ta idioot hom,,boso no por wak ku ta kos di naturalesa stoi kulpa gobierno mane ku nan te lamper ku a pone arba hanja black out !!naco liber ku nostrsiemens ta kens boso ta!!!stupid minded
Subscribe to this comment's feed
Mustra/Kita comentarionan
Mustra/Kita e formulario di comentario
