|
Procedente di Aruba dos restaurant nobo, Amazonia Churrascaria y Aquamarine Grill, ta programa pa celebra nan apertura riba dia 21 y 22 di juni na Legacy Place, un centro di compra, cuminda y residencia di alta clase, situa riba PGA Boulevard dilanti The Gardens mall na Florida.
E restaurantnan ta propiedad di restaurateur Milton Berlinski, kende, hunto cu co-principio Rene Kan, a introduci e conceptonan prome na Aruba na 2001.E anuncio di e restaurantnan nobo a wordo haci pa e Partner Operacional, Mark Orttel.
"Nos ta ansioso pa presenta Amazonia y Aquamarine Grill na clientenan nobo na Palm Beach County, " Orttel a bisa. "Nos sa cu ambos concepto tin un atraccion grandi pa esnan cu ta gusta come bon, ya cu nan a topa cu tremendo exito na Aruba, unda consistentemente nan ta riba e lista di miho restaurantnan."
Aquamarine Grill, un restaurant di cuminda di lama di alta calidad, ta e restaurant ruman di Aruba su tan gusta Aqua Grill, elogia den Fodor's Travel Guide como "shelo riba tera pa amantenan di cuminda di lama". E restaurant di 7,500 pia cuadra lo conta cu un bar dramatico basa riba un motif contemporaneo di barco, pisca fresco y shellfish di awanan local y treci cu avion diariamente for di rond mundo, un bar curu gigantesco y un impresionante muraya di biņa di 14 pia cu un seleccion interesante di biņanan domestico y importa. Aquamarine Grill lo acomoda 190 bishitante, y lo tin mas o menos 90 empleado. Pa informacion yama 561-775-6350.
Amazonia, un Steakhouse autentico di Rodizio Brazileņo, lo ocupa 6,500 pia cuadra di espacio na 11300 Legacy Avenue. E restaurant lo trece "comemento sin limite" na un prijs fiho di $43 pa persona na e Palm Beaches, ofreciendo un variedad enorme di carninan prepara riba grill, manera beef, galiņa y carne sirbi na mesa, como tambe cuminda di lama fresco. Tambe lo tin un seleccion amplio di plato cayente signatura di Brazil, un bar di salada extravagante, y un variedad impresionante di platonan apetitoso manera pan di keshi Brasileņo, banana hasa y anasa prepara riba grill. E diseņo di e interior ta representa e ambiente di e Pampas den un forma ultra-luhoso y moderno. E restaurant, cu lo acomoda 180 bishitante, lo tin 70 empleado. Pa informacion yama 561-694-6909. Henter comunidad di Aruba ta uni pa desea Milton Berlinski & Rene Kan hopi exito y un gran sentido di satisfaccion pa loke ta nan vision excelente y logro consecuente.
| Comments () >> |
 |
 |
