24ora.com - Your news provider - Eleccion di reina pa Zomercarnaval

Latest Photo Ads
4 RIEM aluminuim 15' Auto Segunda Mano (04.01.2009) Yamaha XLT 1200 (200 Ta Bende Boto (02.01.2009) LG KP100 Electronics (30.12.2008) Brand new store fixt General (28.12.2008) Toyota Corolla type- Auto Segunda Mano (24.12.2008)

Eleccion di reina pa Zomercarnaval

Tuesday, 26 June 2007 - 08:45

Dia 22 di juli proximo lo tuma lugar na Hulanda e eleccion di reina di zomer carnaval caminda cu diferente grupo di carnaval ta manda nan representante. Den e eleccion aki lo tin dos candidata di Aruba y esakinan ta Marcie de Jong y Diandra Bramble. Por vota pa e candidata preferi riba e website di canal di television rijnmond. Click pa mas informacion.

Diandra Bramble tin 19 ańa di edad y ta competi e ańa aki den e eleccion di Miss Zomercarnaval 2007 na Hulanda, representando e grupo di Aruba Uni di Amsterdam. E ta studiando 'Luchtvaartdiensterverlening' pa bira stewardess. Diandra ta amplia riba escohencia di e estudio cu e la escohi como semper ta su deseo, anto awor cu e la hanja e oportunidad pa studia pa bira stewardess, e ta hasi todo por todo pa logra esaki pa su futuro.

Su hobbynan ta canta, baila, disfruta di su hubentud, landa, shopping, sali amigo y amiganan. Carnaval ta hunga un parti grandi den su bida, door cu su mayornan (Alfred Appelnootje y Lourdes) semper ta bezig cu Carnaval desde su enfancia.

Diandra ta conta cu 'Carnaval ta un gozo totaal y nos como Arubiano mester por experencia esaki un biaha den nos bida y vooral na Hulanda'.

Tur hende por apoya Diandra pa e titulo di MISS ZOMERCARNAVAL 2007 vota pe riba e website di tv Rijnmond. E fecha di e evenemento ta 22 di July 2007 na Rotterdam Cruise Terminal pa 3 or di atardi ora di Hulanda.

Click pa vota pa bo representante preferi

http://www.rijnmond.nl/homepage/rtv/tv_rijnmond/programma_info/queens

24ora.com kier a desea tur candidata hopi exito!!!

Comments (1) >>