SETAR como e patrocinador principal di e campeonato di futbol SETAR 2007 cu tur aña ta wordo realisa entre tur e equiponan di futbol Arubano a haci entrega di e premionan na tur e ganadornan. 

Hopi fanatico di futbol a acudi na e partidonan entre e  equiponan cu a participa pa finalmente un bira e equipo ganador.  E aña aki e equipo di Nacional a sali campeon y e team di RCA a sali sub-campeon.  SETAR ta hopi satisfecho di mira un gran cantidad di publico acudi na e weganan.

Na di tres lugar tabata e team di Britannia y na di cuater lugar a keda e equipo di La Fama.

E aña aki AVB a saca un seccion di Campeon Campeonato Regular y e equipo di Brittania a sali ganador.  E equipo cu mas a resalta den disciplina tabata e equipo di Jong Aruba.

Otro hungadornan di e campeonato cu a resalta den varios premiacion tabata:

E goalgetternan Julian Rivera di RCA, Diego Quintero di Caravel y Lionel Tromp di Estrella.  E mihor delantero tabata Alberto Lopez (Jong Aruba), Mihor Mediocampista Valdo Leocadio (Nacional), Mihor Defensa Theric Ruiz (Nacional), Mihor Portero Kendrick Dania (Britannia), Mihor Entrenador Silo Brete (Nacional)

Most Valuable Player di e campeonato a resulta: Theric Ruiz di equipo di Nacional.

Un pabien ta bai na un y tur cu a participa na e campeonato exitoso aki. Deporte di Futbol ta uno cu semper tabata hopi gusta na Aruba.  SETAR por mira atrás na otro campeonato exitoso y ta felicita Arubaanse Voetbal Bond riba nan bon trabou desplega.

SETAR a haci uso di e oportunidad tambe pa haci entrega di un check di contribucion na Arubaanse Voetbal Bond pa nan por continua cu e trabou pa bienestar di Voetbal na Aruba.

Comments (2) >>

Show/Hide comments

n said:

aynooo nd pa dakota?

July 02, 2007

Michael Croes said:

Bon trabou Theric,,awo ta ora

July 17, 2007

Write comment

Show/Hide comment form

Name

Email

Comment

Add Comment