Thursday, 27 November 2014
Informacion tocante Presupuesto di Ministerio di Asuntonan di Interior y Relacionnan di Reino (BZK) Print E-mail
Tuesday, 15 September 2009 11:15
Comparti
album.JPG

Na 2010 Curaçao, Sint-Maarten, Bonaire, Sint-Eustatius y Saba ta dal nan ultimo pasonan na caminda pa nan status nobo den Reino. Curaçao y Sint-Maarten ta den e proceso di prepara nan pa cumpli cu e criterionan cu a establece pa nan haya status di pais. Click lesa mas pa mas info...

Den curso di 2010 Bonaire, Saba y Sint-Eustatius lo ta cla pa bira gemeente sui generis (“bijzondere gemeente”) di Hulanda. Na 2010 lo continua y finalisa e transicion na fase di tarea di Antiyas Hulandes pa e paisnan nobo y Hulanda.

Resultado di e desmantelacion di Antiyas Hulandes ta cu un nivel di gobernacion ta disaparece. Consecuentemente e respectivo gobiernonan por cumpli mihor cu nan tarea y duna servicio efectivo na publico y percura pa un sociedad safe y duna bon proteccion di posicion huridico na su pueblo. 

Pa Sint-Maarten y Curaçao bira pais, nan mester cumpli cu e criterionan cu a conveni na principio di e proceso estatal. Nan mester prueba cu, no solamente riba papel, sino cu den practica nan ta cla pa carga cu nan responsabilidadnan. E dos islanan en cuestion mes ta responsabel pa logra esey. Na 2010 lo tene un evaluacion institucional pa determina si nan a cumpli cu e criterionan di e proceso estatal cu a keda conveni. Ya a entrega na Tweede Kamer tur e leynan necesario pa e renovacion estatal di Reino, y na 2010 lo trata nan.

Ta preparando e ley- y areglonan pa Bonaire, Saba y Sint-Eustatius, di moda cu pa mas tarda riba e fecha di transicion, aunke den hopi caso ta prome cu e fecha ey, e tres islanan aki y e departamentonan ta cla pa carga nan responsabilidadnan nobo. 
 

Saneamento di debe

E saneamento di debe cu a cuminsa na 2009 mester duna e islanan un empuhe importante pa nan logra un posicion financiero sano di inicio den nan status nobo.

Na 2010 e saneamento di debe aki lo continua, tur esey mientras e entidadnan keda cumpli cu e condicionnan stipula al respecto. E condicionnan principal ta: cooperacion continuo cu e Colegio di supervicion financiero (Cft) y un consejo positivo di Cft pa loke ta concerni e presupuestonan. Un bon posicion financiero for di inicio ta garantisa solamente si ta existi un maneho presupuestario sano y un miho administracion financiero. 

Forza gubernamental y mantencion di ley

Na 2010 tambe efectividad di gobernacion di e islanan lo ta un aspecto importante di atencion. Pa medio di e programa di cooperacion Refuerzo Institucional y Forza Gubernamental a asisti y sostene tur e islanan den refuerzo di nan aparato gubernamental y administrativo, na caminda pa nan status nobo.

Cu e meta aki ta continua na 2010 tambe cu cooperacion cu Vereniging van Nederlandse Gemeenten. Na 2009 Hulanda a percura ademas pa sosten pa medio di personal na e gabinetenan di e gezaghebbernan, y lo continua cu esey na 2010.

Tanto pa medio di e leynan di consenso di reino como pa medio di otro areglonan di cooperacion ta duna contenido na e cooperacion y sosten riba tereno di husticia y mantencion di ley. Na 2010 ta ehecuta implementacion di e ley di consenso di reino pa loke ta polis y ta realisa e mehoracionnan na e organisacionnan policial. Hulanda ta duna pa un periodo di mas o menos tres aña sosten pa mehora e tres futuro cuerponan di polis y na e Gemeenschappelijke Voorziening Politie. 

En bista di implementacion di e ley di reino pa loke ta trata polis, mester yega na acuerdonan mas detaya entre e gobiernonan di Hulanda y Antiyas Hulandes y e bestuurscollegenan di Curaçao y Sint-Maarten tocante traspaso di tareanan pa e respectivo cuerponan, cu na e momento aki Recherchesamenwerkingsteam (RST) ta encarga cune.

Na 2010 lo evalua tambe con por consolida asistensia exitoso door di Koninklijke Marechaussee. 

Aruba

Na 2010 ta spera di termina e investigacion di estado di gobernacion di Aruba. Basa riba resultadonan di e investigacion lo evalua si tin motibo pa tuma medida mas detaya y na cual nivel esey lo mester sosode. En todo caso mester sigui energicamente cu mehoracion di e cadena di imigracion y di Cuerpo di Polis di Aruba. E financiamento ta bini di e fondonan restante di e Fondo di Desaroyo di Aruba (FDA). 

Mantencion di ley

No obstante e resultado di e investigacion di e estado di gobernacion, mester continua energicamente cu mehoracion di e cadena di imigracion y mantencion di ley (entre otro e Cuerpo Policial di Aruba). Esun prome cu ta carga responsabilidad pa esey ta Aruba. Tin tereno riba cua si por coopera cu Hulanda y Antiyas Hulandes, pa garantisa suficiente calidad y cantidad. Un bon ehempel pa esaki ta Wardacosta pa Antiyas Hulandes y Aruba. Financiamento di e trayectonan di mehoracion ta procedente di e fondonan restante di e Fondo di Desaroyo di Aruba (FDA). Ademas Hulanda lo sigui pone hues- y fiscalnan na disposicion di Antiyas Hulandes y Aruba. 

E cadena di imigracion

E plan di mehoracion di e cadena di imigracion, cu gobierno di Aruba a stipula na 2009, ta parti di e National Security Plan Aruba 2008-2012. Loke ta ensera cu Hulanda tambe ta cofinancia e plan di mehoracion. Pa 2010 tin pa e plan di mehoracion planea e siguiente proyectonan. Censo, e organisacion cu ta encarga cu administracion di poblacion, lo amplia e comparacion di nan datonan cu esunnan di otro entidadnan arubano, manera DIMAS y servicio di impuesto. Esey ta hasi e datonan mas confiabel. E organisacion di admision DIMAS lo mehora na 2010 e permisonan di estadia, pa contraresta posibel falsificacion. 

Relacion di cooperacion

Na 2009 Hulanda a efectua ultimo deposito riba cuenta di FDA. Aunke Hulanda ta keda envolvi den ehecucion di e programa aki, debi na e hecho cu e programa di mas aña 2006-2009 ainda no a finalisa. E National Security Plan Aruba 2008-2012 y e programa di mantencion di ley, cu ta paga di e medionan di saneamento di debe cu a resta pa loke ta concerni e periodo di 2003-2007, naturalmente ta continua na 2010. Cu Conclucion di e Arubadeal y e ultimo deposito na 2009 den e FDA, e contribucion di  € 1,5 miyon cu Hulanda tabata duna organisacionnan no-gubernamental (NGO) via FDA a finalisa. Mester por considera gobierno di Aruba capaz pa, for di 2010 y e añanan siguiente, e gobierno en cuestion mes keda encarga cu dunamento di subsidio pa e actividadnan di e NGO-nan en cuestion. 
 
Symposio

Na 2010 lo organisa algun simposio na cua lo trata futuro di Reino. E desaroyonan actual ta motibo logico pa bolbe studia e futuro aki. Resultado di e serie di simposio aki lo aporta di forma importante na e “vision riba Futuro di Reino” cu lo formula.
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter