E siman aki tabata uno hopi bon pa e empleado di La Cabana Beach & Racquet Club, Louis Dubero. E asociado balente aki no solamente a wordo escohi como Empleado di Luna pa luna di juni, pero tambe el a wordo escohi como e ganador di e premio di Gung Ho na La Cabana, cual a wordo anuncia pa e hotel su Gerente General Joe Najjar. Click pa mas di e relato.

E programa di Gung Ho a wordo introduci na La Cabana aña pasa y na un manera sumamente positivo el a influencia cada un di e empleadonan cu ta traha na e hotel. Gung Ho, cual na Chines ta nifica "trahando hunto", ta un programa di reconocemento y incentivo pa empleadonan, y ta uza e principionan di tres bestia conoci: e Squirrel, Beaver y Goose.

Den Spirito di e Squirrel, e empleadonan mester traha duro pasobra cu nan trabou ta importante. Pa e empleadonan por ta Gung Ho, pa traha cu e Spirito di e Squirrel, nan mester tur compronde dicon e hotel mester di nan, dicon nan trabou ta haci mundo un miho luga. 

E Manera di e Beaver ta nifica haciendo e trabou corecto na e manera corecto. Djis puntra hende pa haci algo cu nan por haci facilmente no ta duna nan e satisfaccion cu nan a logra algo y cu nan mester pa ta Gung Ho. Nan mester haya trabou cu ta rekeri nan miho prestacion y cu ta laga nan sigui dilanti pa teritorio nobo.

Cu e Regalo di e Goose, e empleadonan a siña cu dunamento di pabien ta confirmacion cu ken e hendenan ta y e trabou cu nan ta haci ta importante, y cu nan por haci un contribucion balioso pa yega na e mision comparti: TRUE congratulations, cual ta nifica na Ingles: Timely, Responsive, Unconditional, Enthusiastic; Cheer the progress.

Dubero tin solamente un tiki mas cu un aña trahando cu La Cabana, pero e ta representa tur e filosofianan aki den un forma completo den su trabou den e departamento di Accounting. E ta wordo describi pa su coleganan como un persona hopi positivo, semper cu un sonrisa riba su cara y un placer pa traha cune.  
Como ganador di e premio di Gung Ho pa e di dos cuartal di aña, Louis lo disfruta di un viahe completamente paga pa Boca Raton, Florida, unda e lo representa su hotel, ademas di placa cash pa uza durante su estadia.  

Pabien Louis, en berdad bo ta merece e premio aki!

Potretnan ta mustra Louis hunto cu Gerente General Joe Najjar, su coleganan di e departamento di Accounting y e otro nominadonan pa e premio di Gung Ho.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment