E torneo international juvenile di tennis, TIHTA, a resulta un exito rotundo. Un siman largo mas cu 150 tennista di mas cu 22 differente pais a batalla otro siman pasa riba e canchanan di Aruba Racquet Club. Hopi hende a bin presencia, anima y disfruta di e bunita weganan di halto nivel. Click pa mas informacion y potret.
Ta tin weganan cu momento nan exitante, momentonan di rabia y nervio, momentonan di gozo y gloria, momentonan di frustracion , special cu e biento duro cu tabata desvia e bala fe su curso. Momentonan di deception y dolo pavia di injuries . Pero en general tabata un siman unda hobenan a confronta nan challengenan y surpasa nan expectativanan. Un siman unda ta ser realisa cu nos hovennan di cas por hopi, pero cu mester sigui traha duro pa por sigui presta den categorianan mas duro. Sobre tur e tabata un siman di preserverancia, coraje y di amistad.
Durante ana y vooral durante henter vakantie tin torneo nan di tennis ta tuma luga na differente isla nan den Caribe y Centro America. Hunto, e torneo nan den e region aqui ta wordo llama COTECC. Cada torneo ta dura un siman largo y tur ta wordo supervisa door di ITF. E intencion ta pa desarolla talento, gana wega y asina hana punto pa subi e escalera di ITF ( ITF ranking) Prome cu Aruba ta tin un torneo na Mexico y Bahamas, sigui pa esun di Aruba. Despues elo sigui pa St. Maarten, Jamaica , St. Domingo y St. Lucia. E aperture official a tuma luga dialuna, unda cada pais a marcha riba e himo Aruba Dushi Tera, obsequia door di Maybelline Arends. E wega nan a wordo hunga bow di auspcio di e 9 miembro di ITF y dos refree di Aruba, Mr. Ralph Hoek y Mr. Zimmerman. E weganan tabata consisti di best out of three sets den single y double. Bow di e edad 15- 18 ana , masculine final di single, Micheal Davis di Englatera a gana David Sauto di Venezuela 6-3, 6-3. E wega tabata spectacular, cu passingshots nan precioso pa admira. Den double e guynan di Polen cu nan coach di Spana, Mularczyk y Rajski a gana di Delegado di St.Domingo y Rappacciolo di Nicaragua 3-6,7-6, 6-2.
Seca e femeninanan Gabriela Coglitori di Venezuela a gana Mullholland di USA 6-1,6-2Den double a gana Aguilar di Mexico y Guzman di Guatemala di Lazarevic di Canada y Segerelli di St. Domingo. Den e categoria 13-14 ana masculino e prome y di dos puesto a bai pa Aruba. Ibian Hodgson a gana Franz Sydow Jr. 6-1, 7-6, 6-1 Aunque por bisa cu Ibian y Franz a hunga nan miho tennis durante nan wega di semi final contra Justin Tjon y Josue Matos de Leon, tur dos hungadonan di Corsow.
 Momento ora Ibian a ricibi su trofeo, ITF member Colline, Hubert Luciana, Ibian Hodgson y Eleonor, tambe ITF member.
Den double Justin y Josue di Corsow a batalla 2:30 largo pa gana di Ibian y David Zuleta di Aruba, 6-2, 6-4.Seca e femenina nan Catarina Lepore di Venezuela a gana Susana Flores di Colombia 6-4, 6-4. Den double Flores y Steffany Marchena di Aruba a gana di Rosana Degwitz y Lepore di Venezuela 6-3, 1-6, 6-0.
 Den categoria 10-12 ana, masculinoWyatt Lovera a gana Dion Nijboer 7-5, 6-3, Aqui tambe e prome y di dos luga a bai pa Aruba. Net despues cu Wyatt a batalla den single, e mester a hunga su final den double hunto cu Anthony Harms di Aruba (t-shirt blanco) contra Tyler Every y George Samander (t-shirt preto) di .Corsow. E no tabata facil pa Wyatt y Anthony, pero nan a sa di brinda un wega espectagular contra di Tyler y George. Aruba tabata perdi 2-5 pero a batalla sin give up, dunando e publico hopi momentonan di suspencion y angustia prome cu nan a logra gana cu e score di 8-5. Riba e potret nos por mira patras cuminsando robes e tres miembro nan di ITF, padilant Wyatt, Tyler Anthony, George y Zimmerman cu tabata e refree di e partido.
 Seca e femeninanan, Sarah Yeguez (10 ana) di Aruba a gana di Sophia Dao di USA 6-4, 6-2. Riba e foto Sarah a ricibi su trofeo di Sr. Hubert Luciana, president di ALTB. Den double Melena Lopez di Brazil y Viviana Onorato di Venezuela a gana Tamara Luciana y Lotte Reek di Aruba 8-5.
Un palabra di danki ta bai na tur e miembro nan di ITF, refrees y Candido cu a juda e deportistanan cu su magic fingersnan durante full e siman di TIHTA.
Un danki ta bai na tur e participante nan, Tambe un palabra di danki y pabien ta bai na e commicion di TIHTA y miembro nan di ALTB, cu a traha incansablemente pa a realisa e torneo pa di 21 vez. Un danki di curason ta bai na tur e sponsernan cu a juda realisa TIHTA , sin nan ajudo e no lo ta possible pa a crystalisa e di 21 torneo international huvenil unda mas cu 150 tennista a participa. Alavez ALTB ta desea Artur Santos, Giorgi Thiel y Ibian Hodgson hopi exito na St. Maarten
| Comments () >> |
 |
 |
