|
Yegada di e banda Tsunami na Hulanda |
|
|
|
|
Thursday, 19 July 2007 - 11:13 |
|
En coneccion cu Weganan di Reino 2007 na Den Haag a jega Hulanda diamars 17 di juli e grupo Tsunami. Na aeropuerto Schiphol e integrantenan a wordo jama bon bini door di sra. Leonie Nicolaas di Arubahuis, cu tabata presente pa representa Ministro Plenipotenciario sr. Frido Croes.
 Durante un siman largo Weganan di Reino lo tuma lugar na Den Haag. Fuera di e acostumbrado intercambio deportivo entre Hulanda, Antillas y Aruba, e anja aki a scohe pa prome biaha den historia di Wega di Reino pa inclui un intercambio cultural entre e paisnan di Reino Hulandes. E intercambio cultural aki tin como tema principal “Kroonjuwelen” esta “joyanan di Reino”. E concepto ta pa na e manera aki Hulanda, Antillas y Aruba por intercambia conocemento y informacion den e ramo di poesia, baile, arte visual, musica y teatro.
Den e intercambio musical Aruba lo wordo representa pa e banda Tsunami. Tambe Teatro di Danza Arubano cu bailadornan profesional manera Juvani Richardson, Mary Ann Grant, Anouk Wools lo duna un presentacion bou direccion di Pierangely Wever. Gitarista Marlon Titre den conhunto cu gitarista Eshter Steenbergen y Soprano Tania Kross lo duna un presentacion musical. Durante e anochi literario, diez tres poeta, autor y cantante-compositor lo presenta un interpretacion di e parti Caribeno den Reino. Cu e presentacionnan aki durante e Weganan di Reino sigur nos talentonan Arubano lo sa di duna realce na e encuentro Deportivo-Cultural cu e anja aki ta wordu organisa na Madre Patria Hulanda. Pa mas informacion tocante Weganan di Reino 2007 por bishita website: www.kroonjuwelen.nu y www.koninkrijksspelen2007.nl
| Comments () >> |
 |
 |
