|
Ewald Biemans durante e Asamblea General |
|
|
|
|
Tuesday, 03 April 2007 - 00:00 |
|
Ewald Biemans, kende a caba di wordo apunta como Chairman, brevemente a delinea e asuntonan clave cu lo mester wordo trata pa e Aruba Hotel & Tourism Association bou di su liderasgo. Biemans ta raporta cu mientras cu mayoria di e asuntonan ta conoci caba, su meta ta pa busca solucionnan creativo y haya un bista nobo y mehora riba e retonan cu e isla aki ta enfrentando.
Pa loke ta e prestacion di e industria di turismo na 2006, Biemans ta enfatisa cu informacion estadistico cu recientemente a wordo publica, a revela cu ocupacion di hotel y RevPar a baha cu mas o menos 10% na 2006 di 2005.
E resultadonan di Oficina Central di Estadistica cu recientemente a wordo publica a indica e mesun tendencia.
"Con nos ta bai mehora nos prestacion y bista pa termino cortico y termino largo?" Biemans a puntra, "y kico ta e bareranan pa exito y con nos ta surpasa nan? Mas importante ainda, kico ta nos plan pa crecemento y inovacion?"
Pa loke ta e retonan denter di Aruba su industria di turismo, Biemans a declara cu Aruba su bienestar y calidad di bida ta relaciona cu loke mester ta un poliza bon defini di desaroyo economico.
Te cu nos por wak, el a reitera, turismo y productonan y servicionan relacion cu turismo lo sigui di ta e pilar di e poliza aki di desaroyo economico den e futuro benidero.
Biemans a sigui pa bisa cu e polizanan actual di imigracion y labor NO ta diseņa pa sostene e desaroyo economico aki.
E isla ta enfrentando un scarcedad di labor califica debi na polizanan mas rigido di imigracion cualnan tabatin y lo sigui tin un impacto dramatico riba e calidad di e isla su producto.
E scarcedad di empleadonan califica y un moratorio total riba permiso nobo ta creando un berdadero crisis pa e industria, el a confirma.
"Nos mester busca un solucion creativo pa e asunto aki, un solucion cu ta sensitivo na e preocupacionnan social y cultural di e comunidad Arubiano. Nos ta tende di/lesa tocante proyectonan grandi y nobo cu tin planea. Di unda e labor pa duna servicio na e proyectonan aki ta biniendo," Biemans a puntra.
E sector publico y sector priva, Biemans a informa, a uni den nan metanan pa atrae loke e Aruba Tourism Authority ta yama e "bishitante bon bini" cu un entrada discrecionario halto.
Avisonan a wordo dirigi na e "bishitante bon bini" aki y hotelnan a inverti hopi pa mehora nan facilidadnan y servicionan.
Related Items:
| Comments () >> |
 |
 |
