|
Aruba presente den Nijmeegse 4 daagse |
|
|
|
|
Tuesday, 24 July 2007 - 00:27 |
E aña aki atrobe un grupo di cuater douaneronan di Cuerpo di Douane di Aruba a cana e di 91 edicion di e 4 daagse di Nijmegen. Durante di e “intocht” den presencia di burgemeester di Nijmegen sr. Thom de Graaf, e douaneronan a wordo saluda pa Minister Plenipotenciario sr. Frido Croes y sra. Lourdes Croes-Figaroa.
Mientras cu aña pasa un calor inmenso a conduci na e paro di e Vierdaagse, e aña aki awacero a domina hopi ariba e ultimo dia di e Vierdaagse, pero esey no a kita e entusiasmo di e participantenan ora cu nan a pasa dilanri di e eretribune. Tanto sr. Croes y sra. Croes a disfruta hopi di e ambiente cu ta reina na Nijmegen durante di e Vierdaagse.
 Na centro di NOC/NSF na Papendal a tuma lugar e entrega di medayanan. Sr. Frido Croes a entrega medaya na sr. Giovanni Davelaar cu e aña aki a cana e vierdaagse pa prome biaha. Tambe e mandatario a haci entrega di un medaya na sr. Humphrey Richardson, Sr. Marlon Ruiz y sr. Ricky Croes.Durante di ceremonia di entregamento di medaya sr. Frido Croes a gradici e cuerpo di Douane di Hulanda pa e bon organisacion y pa a brinda e douaneronan di Aruba e facilidad pa nan a participa na e vierdaagse 2007. E tabata tin palabra di elogio pa e cuater participantenan di Aruba pa nan prestacion.Despues a sigi un buffet unda por a sigi papia tocante di nan experencianan cu e caminata aki.Den e grupo di Douane a participa functionarionan di douane for di varios pais manera, Alemania, Irlanda, Polonia, Corsow, Lituania , Slovakia y Belgica.
| Comments () >> |
 |
 |
