Diamars atardi Shohaira da Silva conhuntamente cu su team di ITZupport Productions y Sr. Richard Maduro a presenta e portal cybernetico di Bestial TV esta www.bestialtv.com. Aña 2007 a habri c'un era nobo den cua hende su acercamento na bestia en general a cambia.

E programa mensual "Bestial" a nace for di e nesecidad cu e productora Shohaira da Silva a sinti pa trece mas informacion pa comunidad di Aruba tocante diferente aspecto di nos bestianan stima.

Antes e tabata un informe chikito den corant of revista y ultimo cu e programa elabora na televicion tabata e unico forma na cu e amantenan di bestia na Aruba por a haya sa un poco kico ta tuma lugar den e mundo di nos bestianan. Awor baiendo pareu cu e era moderno ta habri un edinamico y enovativo portal cybernetico di e mundo bestial na alcansa di bo punti dedenan. www.bestialtv.com ta bira awor e 'webpage' na unda tur internet surfers por haña tur tipo di informacion ki dia cu nan kier y na e momento cu nan ta desea dor di djis subi online y click. Awor amantenan di bestia por keda den contacto cu e programa y cu otro amantenan di bestia via e website nobo di 'BESTIAL'. Despues cu e team di "BESTIAL" hunto cu sr. Richard Maduro a pone cabesnan hunto y traha duro e ultimo lunanan aki, e producto final ta ariba e website nobo di "BESTIAL". 

E manera cu bo lo por disfruta y probecha di dje, ta simplemente bo ta bai riba http://www.bestialtv.com/ y bo ta haña of busca informacion necesario tocante bo mascota of bestianan cu ta forma parti di nos naturalesa na Aruba. Tambe bo por haña contacto via e website aki cu otro doñonan di por ehempel: cacho di un rasa specifico pa bo por sera bon casa cu esun di bo.

Tin oportunidad pa gana premio specificamente pa bo mascota di cas cu Alpo y Friskies dor di djis yena y contesta di e pregunta di luna. Y si abo tin informacion valioso cu bo kier comparti cu otronan; esaki ta bo oportunidad pa drenta den contacto cu esnan concerni via e pagina aki. Otro parti bunita cu e website di BESTIAL ta conta cu n'e ta e imagennan fabuloso di nos propio naturalesa cu Naomi Vonk ta aporta cu n'e na e website aki.

Kiermen cu e website: http://www.bestialtv.com/ tin algo pa mi, pa bo y pa un y tur por disfruta y enrikese nan conocemento. Grandi y chikito por disfruta y aprecia BESTIAL, awor tur dia tur ora via e website. Tur hende ta bon bini pa forma parti di e mundo di bestial. Nos ta topa ariba http://www.bestialtv.com/!!!

Nos di 24ora.com ta desea Shohaira y e team di Bestial hopi exito cu nan website nobo! 

Comments (1) >>

Show/Hide comments

zap7 said:

great site,,porfin nos por show off nos pets y ala vez contribui na protecion di nos animalnan...falta hopi pa haci na Aruba pero esaki ta un bon comienzo...SUCCES Y CONGRATS!!!

July 26, 2007

Write comment

Show/Hide comment form

Name

Email

Comment

Add Comment